ಚೀನ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಸೌದಿ ಅರೇಬಿಯಾ ಪ್ರವಾಸ ಶುರು

ಬೀಜಿಂಗ್‌: ಅಮೆರಿಕದ ಜತೆಗೆ ಬಾಂಧವ್ಯ ಹಳಸಿದ ಬಳಿಕ ಚೀನ ಈಗ ಸೌದಿ ಅರೇಬಿಯಾ ಜತೆಗೆ ರಾಜತಾಂತ್ರಿಕ ಬಂಧವನ್ನು ದೃಢಪಡಿಸಿಕೊಳ್ಳಲು ಮುಂದಾಗಿದೆ. ಅದಕ್ಕಾಗಿ ಚೀನ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಗುರುವಾರದಿಂದ ಆ ದೇಶದ ಪ್ರವಾಸ ಕೈಗೊಳ್ಳಲಿದ್ದಾರೆ.

ಕೊರೊನಾ ಪ್ರತಿಬಂಧಕ ಕ್ರಮಗಳಿಂದ ಕುಸಿದು ಹೋಗಿರುವ ಅರ್ಥ ವ್ಯವಸ್ಥೆಯನ್ನು ಮೇಲೆತ್ತುವ ನಿಟ್ಟಿನಲ್ಲಿ ಸೌದಿ ಅರೇಬಿಯಾ ಜತೆಗೆ ಹಲವು ವ್ಯಾಪಾರ ಒಪ್ಪಂದಗಳಿಗೆ ಈ ಸಂದರ್ಭದಲ್ಲಿ ಸಹಿ ಹಾಕುವ ಸಾಧ್ಯತೆ ಇದೆ.

ಕೊಲ್ಲಿ ಸಹಕಾರ ಒಕ್ಕೂಟದ ರಾಷ್ಟ್ರಗಳ ಜತೆಗೆ ರಿಯಾದ್‌ನಲ್ಲಿ ನಡೆಯಲಿರುವ ಸಮ್ಮೇಳನದಲ್ಲೂ ಕ್ಸಿಜಿನ್‌ಪಿಂಗ್‌ ಭಾಗವಹಿಸಲಿದ್ದಾರೆ.