ಉಗ್ರ ಪಟ್ಟಿಗೆ ಜೈಶ್‌ ಮುಖ್ಯಸ್ಥ ಪ್ರಸ್ತಾಪಕ್ಕೆ ಚೀನ ತಡೆ

ಬೀಜಿಂಗ್‌: ಪಠಾಣ್‌ಕೋಟ್‌ ದಾಳಿಯ ರೂವಾರಿ, ಉಗ್ರ ಮಸೂದ್‌ ಅಜರ್‌ನನ್ನು ವಿಶ್ವಸಂಸ್ಥೆಯ ನಿಷೇಧಿತ ಭಯೋತ್ಪಾದಕರ ಪಟ್ಟಿಗೆ ಸೇರ್ಪಡೆಗೊಳಿಸಲು 4ನೇ ಬಾರಿಗೂ ಚೀನ ಅವಕಾಶ ನೀಡಿಲ್ಲ. ಭದ್ರತಾ ಮಂಡಳಿ ಯಲ್ಲಿರುವ ಸದಸ್ಯ ರಾಷ್ಟ್ರಗಳ ನಡುವೆಯೇ ಈ ವಿಚಾರ ದಲ್ಲಿ ಒಮ್ಮತ ಇಲ್ಲ ಎಂದು ಪಾಕಿಸ್ಥಾನದ ಸ್ನೇಹಿ ರಾಷ್ಟ್ರ ಹೇಳಿಕೊಂಡಿದೆ. 

ಆಗಸ್ಟ್‌ನಲ್ಲಿ ಹೇರಲಾಗಿದ್ದ ತಡೆಯ ಅವಧಿ ಗುರುವಾರ ಮುಕ್ತಾಯವಾಗಿತ್ತು. ಹೀಗಾಗಿ ವಿಶ್ವಸಂಸ್ಥೆಯಲ್ಲಿ ಮತ್ತೆ ನಡೆದ ಸಭೆಯಲ್ಲಿ ಅಮೆರಿಕ, ಇಂಗ್ಲೆಂಡ್‌, ಫ್ರಾನ್ಸ್‌ ಪ್ರತಿನಿಧಿಗಳು ಜೈಶ್‌ ಎ ಮೊಹಮ್ಮದ್‌ ಮತ್ತು  ಅದರ ಸಂಸ್ಥಾಪಕ ಮಸೂದ್‌ ಅಜರ್‌ ವಿರುದ್ಧ ನಿಷೇಧ ಹೇರಬೇಕೆಂದು ಸಲಹೆ ಮಾಡಿದರೂ,  ಚೀನ ಒಪ್ಪಲಿಲ್ಲ. ಕಳೆದ ವರ್ಷ ಕೂಡ ಚೀನ ಇದೇ  ನಿಲುವು ಅನುಸರಿಸಿತ್ತು.