Chikkodi: ಭಾರಿ ಗಾಳಿ ಮಳೆಗೆ ರೈತರ ಮನೆಗಳು ಜಖಂ; ಲಕ್ಷಾಂತರ ರೂ. ಹಾನಿ

ಚಿಕ್ಕೋಡಿ: ಸೋಮವಾರ ರಾತ್ರಿ ಭಾರಿ ಬಿರುಗಾಳಿ ಸಹಿತ ಮಳೆಗೆ ಚಿಕ್ಕೋಡಿ ತಾಲೂಕಿನ ವಿವಿಧ ಕಡೆಗಳಲ್ಲಿ ನಷ್ಟ ಸಂಭವಿಸಿದೆ.

ಚಿಕ್ಕೋಡಿ ತಾಲೂಕಿನ ಕಾಡಾಪೂರ ಗ್ರಾಮದಲ್ಲಿ ನಾಲ್ಕೈದು ರೈತರ ಮನೆಗಳು ಬಿದ್ದಿವೆ. ದನಗಳ ಸೆಡ್ ಗಳು ಹಾರಿ ಹೋಗಿವೆ. ಬೆಳೆಗಳು ನೆಲ ಕಚ್ಚಿವೆ. ಸೋಮವಾರ ದಿಡೀರನೆ ಸುರಿದ ಭಾರಿ ಗಾಳಿ ಮಳೆಗೆ ರೈತರ ಲಕ್ಷಾಂತರ ರೂ ನಷ್ಟಕ್ಕೆ ಸರಕಾರ ಸೂಕ್ತ ರೀತಿಯಲ್ಲಿ ಸ್ಪಂಧಿಸಬೇಕಿದೆ ಎನ್ನುತ್ತಾರೆ ರೈತರು.

ಕಾಡಾಪೂರ ಗ್ರಾಮದ ಅರ್ಜುನ ಗುರುನಾಥ ಮನೆ ಸೇರಿದಂತೆ ನಾಲ್ಕೈದು ಜನರ ಮನೆಗಳು ಕುಸಿತ ಕಂಡಿವೆ. ಮನೆಯ ಮೇಲಿನ ಪತ್ರಾಸ ಮತ್ತು ಹಂಚು ಹಾರಿ ಹೋಗಿ ಮನೆಯಲ್ಲಿ ಇರುವ ದವಸ ಧಾನ್ಯಗಳು. ವಿವಿಧ ಸಾಮಗ್ರಿಗಳು ಹಾನಿಯಾಗಿವೆ ಕೂಡಲೇ ಸಂಬಂಧಿಸಿದ ಅಧಿಕಾರಿಗಳು ಪರಿಶೀಲನೆ ನಡೆಸಿ ಸೂಕ್ತ ಪರಿಹಾರ ಒದಗಿಸಬೇಕೆಂದು ರೈತ ಅರ್ಜುನ ಗುರುನಾಥ ಮನವಿ ಮಾಡಿದರು.