G20 ಬಳಿಕ ಮತ್ತೊಂದು ಗರಿ:ಭಾರತ‌ಕ್ಕೆ ಯುನೆಸ್ಕೋ ಪಾರಂಪರಿಕ ಸಮಿತಿ ಅಧ್ಯಕ್ಷ ಸ್ಥಾನ

ಹೊಸದಿಲ್ಲಿ: ಯುನೆಸ್ಕೋ ವಿಶ್ವ ಪಾರಂಪರಿಕ ಸಮಿತಿಗೆ ಇದೇ ಮೊದಲ ಬಾರಿಗೆ ಭಾರತ ಅಧ್ಯಕ್ಷತೆ ವಹಿಸಲಿದೆ. ಇದೊಂದು ಐತಿಹಾಸಿಕ ಮೈಲುಗಲ್ಲಾಗಿದೆ. ಈ ಕುರಿತು ಮಾಹಿತಿ ನೀಡಿದ ಯುನೆಸ್ಕೋಗೆ ಭಾರತದ ಶಾಶ್ವತ ಪ್ರತಿನಿಧಿ ವಿಶಾಲ್‌ ವಿ. ಶರ್ಮಾ, “ಜುಲೈಯಲ್ಲಿ ನಡೆಯಲಿರುವ ಪ್ರತಿಷ್ಠಿತ ವಿಶ್ವ ಪಾರಂಪರಿಕ ಸಮಿತಿಯ ಅಧಿವೇಶನವು ಭಾರತದ ಅಧ್ಯಕ್ಷತೆಯಲ್ಲಿ ನಡೆಯಲಿದೆ.

ಹೊಸದಿಲ್ಲಿಯು ಪಾರಂಪ ರಿಕ ತಾಣಗಳ ಸಂರಕ್ಷಣೆಯ ಜಾಗತಿಕ ಚರ್ಚೆಗಳ ಕೇಂದ್ರ ಬಿಂದುವಾಗಲಿದೆ. ಈ ಮಹತ್ವದ ಜವಾಬ್ದಾರಿಯು ವಿಶ್ವದ ಸಾಂಸ್ಕೃತಿಕ ಮತ್ತು ನೈಸರ್ಗಿಕ ಸಂಪತ್ತನ್ನು ರಕ್ಷಿಸಲು, ಉತ್ತೇಜಿಸಲು ಭಾರತದ ಬದ್ಧತೆಯನ್ನು ಒತ್ತಿ ಹೇಳುತ್ತದೆ’ ಎಂದಿದ್ದಾರೆ. ಜು.21ರಿಂದ 31ರ ವರೆಗೆ ದಿಲ್ಲಿಯಲ್ಲಿ ಸಮಿತಿಯ ಅಧಿವೇಶನ ನಡೆಯಲಿದೆ.