Advertisement
ಪೂರ್ತಿ ಸಾವಯವ ಆಹಾರ ಪದಾರ್ಥ ಮತ್ತು ಸಿರಿಧಾನ್ಯಗಳನ್ನು ಮಾತ್ರವೆ ಬಳಸುವ ಕೆಫೆ ಒಂದು ನಗರದಲ್ಲಿ ಶುರುವಾಗಿದೆ. ಅದುವೇ ಜಯನಗರದಲ್ಲಿರುವ “ಫ‌ಲದ ಪ್ಯೂರ್‌ ಶ್ಯೂರ್‌’ ಕೆಫೆ. ಕೆಪೆಗೆ ಅಂಟಿಕೊಂಡಂತೆ ಸಾವಯವ ಪದಾರ್ಥಗಳನ್ನು ಮಾರುವ ಅಂಗಡಿಯೂ ಇದೆ.
Related Articles
Advertisement
ಹಲಸು ಸೊಗಸು: ವಿಟಮಿನ್‌ ಮತ್ತು ಪ್ರೋಟೀನ್‌ ಪೋಷಕಾಂಶಯುಕ್ತ ಹಲಸಿನ ಹಣ್ಣಿನಿಂದ ತಯಾರಿಸಿದ ಖೀಮಾ, ಟಿಕ್ಕಿ, ಬರ್ಗರ್‌ನ ರುಚಿ ನೋಡಬಹುದು. ಹಲಸಿನಹಣ್ಣನ್ನು ಬೇಯಿಸಿ “ರೆಡಿ ಟು ಈಟ್‌’ ಮಾದರಿಯಲ್ಲೂ ಸವಿಯುವ ಅವಕಾಶ ಇಲ್ಲಿದೆ. ರೈತರಿಂದ ನೇರವಾಗಿ ಹಲಸಿನ ಹಣ್ಣನ್ನು ಖರೀದಿಸಿ ಸಂಸ್ಕರಣೆಗೊಳಪಡಿಸಿ ತಂರ ವಿಶೇಷ ರೆಸಿಪಿ ಬಳಸಿ ತಯಾರಾಗುವ ವಿವಿಧ ಹಲಸಿನ ಖಾದ್ಯಗಳು ವಿದೇಶಗಳಿಗೂ ರಫ್ತಾಗುತ್ತವೆ.
ಬುಲೆಟ್‌ ಪ್ರೂಫ್ ಕಾಫಿ: ಖಾಲಿ ಹೊಟ್ಟೆಯಲ್ಲಿ ಕುಡಿಯಲ್ಪಡುವ ಎನರ್ಜಿ ಡ್ರಿಂಕ್‌ ಬುಲೆಟ್‌ ಪ್ರೂಫ್ ಕಾಫಿ ಇಲ್ಲಿ ಸಿಗುತ್ತದೆ. ಈಚೆಗೆ ಜನಪ್ರಿಯತೆ ಪಡೆಯುತ್ತಿರುವ ಈ ಪೇಯ ದೇಹ ನಿತ್ರಾಣಗೊಂಡಿದ್ದರೆ, ಕೂಡಲೆ ಶಕ್ತಿ ತುಂಬುತ್ತದೆ.
ಅಲ್ಲದೆ, ದೇಹದಲ್ಲಿ ಸಂಗ್ರಹವಾಗಿರುವ ಹೆಚ್ಚುವರಿ ಕ್ಯಾಲೋರಿಗಳನ್ನು ಖರ್ಚು ಮಾಡಿ ಫಿಟ್‌ನೆಸ್‌ ಕಾಪಾಡಲು ಸಹಕರಿಸುತ್ತದೆ ಎನ್ನುವುದು ಇದನ್ನು ಬಳಸುವವರ ಅಭಿಪ್ರಾಯ. ಬುಲೆಟ್‌ ಪ್ರೂಫ್ ಕಾಫಿ ಅಗತ್ಯ ಪೋಷಕಾಂಶಗಳನ್ನು ಹೊಂದಿರುವುದರಿಂದ ಅನೇಕರು ಉಪಾಹಾರಕ್ಕೆ ಬದಲಿ ಆಹಾರವಾಗಿಯೂ ಸೇವಿಸುತ್ತಾರೆ.
ಎಲ್ಲಿ?: ಫ‌ಲದ ಪ್ಯೂರ್‌ಶ್ಯೂರ್‌ ಕೆಫೆ, ನಂ.43 ಶಾಪೂರ್‌ ಆರ್ಕೆàಡ್‌, 27ನೇ ಕ್ರಾಸ್‌, 7ನೇ ಮುಖ್ಯರಸ್ತೆ, ಜಯನಗರ 4ನೇ ಹಂತ.
ಸಂಪರ್ಕ: 9900039403