ಕೊಹಿನೂರು ಕಿರೀಟ ತೊಡಲಿದ್ದಾರೆ ಕ್ಯಾಮಿಲ್ಲಾ

ವಿಶ್ವಪ್ರಸಿದ್ಧ ಕೊಹಿನೂರು ವಜ್ರದಿಂದ ಮಾಡಲಾಗಿರುವ ಕೊಹಿನೂರು ಕಿರೀಟವನ್ನು ಬ್ರಿಟನ್‌ ರಾಜಕುಮಾರ ಚಾರ್ಲ್ಸ್ ಅವರ ಪತ್ನಿ ಕ್ಯಾಮಿಲ್ಲಾ ಧರಿಸಲಿದ್ದಾರೆ.

ಸದ್ಯದಲ್ಲೇ ಬ್ರಿಟನ್‌ ರಾಜನಾಗಿ ಚಾರ್ಲ್ಸ್ ಪಟ್ಟಾಭಿಷೇಕ ನಡೆಯಲಿದೆ. ಆ ವೇಳೆ ರಾಣಿಯಾಗಿ ಕ್ಯಾಮಿಲ್ಲಾ, ಕೊಹಿನೂರು ಕಿರೀಟ ತೊಡಲಿದ್ದಾರೆ.

ಭಾರತದಲ್ಲಿ 14ನೇ ಶತಮಾನದಲ್ಲಿ ಪತ್ತೆಯಾದ 105.6 ಕ್ಯಾರೆಟ್‌ನ ವಜ್ರ ಆ ಕಿರೀಟದಲ್ಲಿದೆ. ಸಂಪೂರ್ಣ ಕಿರೀಟವನ್ನು ಪ್ಲಾಟಿನಂ ಮತ್ತು ವಜ್ರದಿಂದಲೇ ತಯಾರಿಸಲಾಗಿದೆ.

ಇದನ್ನೂ ಓದಿ:ಬಿಜೆಪಿಯಿಂದ ಸುವರ್ಣ ಗೋವಾ ನಿರ್ಮಾಣ: ಪ್ರಭು ಚವ್ಹಾಣ್‌

ಬ್ರಿಟನ್‌ ರಾಜಮನೆತನದ ಸಂಪ್ರದಾಯದಂತೆ ರಾಣಿಯಾಗುವವರು ಈ ಕಿರೀಟವನ್ನು ತಮ್ಮದಾಗಿಸಿಕೊಳ್ಳುತ್ತಾರೆ. ಈವರೆಗೆ ಕಿರೀಟ ರಾಣಿ 2ನೇ ಎಲಿಜಬೆತ್‌ ಅವರದ್ದಾಗಿತ್ತು.