BSNL ಗ್ರಾಹಕರ ದತ್ತಾಂಶ ಸೈಬರ್‌ ಕಳ್ಳರ ಪಾಲು?

ಹೊಸದಿಲ್ಲಿ: ಸೈಬರ್‌ ಕಳ್ಳರು ಸರಕಾರಿ ಸ್ವಾಮ್ಯದ ಟೆಲಿಕಾಮ್‌ ಅಪರೇಟರ್‌ ಭಾರತ್‌ ಸಂಚಾರ್‌ ನಿಗಮ್‌ ಲಿಮಿಟೆಡ್‌(ಬಿಎಸ್‌ಎನ್‌ಎಲ್‌)ನ ದತ್ತಾಂಶವನ್ನು ಕಳವು ಮಾಡಿದ್ದಾರೆ. ಇದು ಗಂಭೀರ ಪ್ರಕರಣವಾ ಗಿದ್ದು, ಇದರಿಂದ ಲಕ್ಷಾಂತರ ಬಿಎಸ್‌ಎನ್‌ಎಲ್‌ ಗ್ರಾಹಕರ ದತ್ತಾಂಶ ಸೋರಿಕೆ ಆಗಿರುವ ಸಾಧ್ಯತೆಯಿದೆ ಎಂದು ಮೂಲಗಳು ತಿಳಿಸಿವೆ.

ಡಾರ್ಕ್‌ ವೆಬ್‌ ಫೋರಂ ನಲ್ಲಿ “ಪೆರೆಲ್‌” ಎಂಬ ಹೆಸರಿನಲ್ಲಿ ಸೈಬರ್‌ ಕಳ್ಳರು ಬಿಎಸ್‌ಎನ್‌ಎಲ್‌ ದತ್ತಾಂಶದ ಸ್ಯಾಂಪಲ್‌ ಅನ್ನು ಪ್ರದರ್ಶಿಸಿದ್ದಾರೆ. ಈ ಮೂಲಕ ಗ್ರಾಹಕರ ದತ್ತಾಂಶವನ್ನು ಮಾರಾಟಕ್ಕೆ ಇಟ್ಟಿದ್ದಾರೆ.ಸ್ಯಾಂಪಲ್‌ 32,000 ಗ್ರಾಹಕರ ದತ್ತಾಂಶ ಒಳಗೊಂಡಿದೆ. ತಮ್ಮ ಬಳಿ 29 ಲಕ್ಷಕ್ಕೂ ಅಧಿಕ ಗ್ರಾಹಕರ ದತ್ತಾಂಶವಿದೆ ಎಂದು ಸೈಬರ್‌ ಕಳ್ಳರು ಘೋಷಿಸಿದ್ದಾರೆ. ಇದು ಬಿಎಸ್‌ಎನ್‌ಎಲ್‌ ಗ್ರಾಹಕರ ಗೌಪ್ಯತೆ ಮತ್ತು ಭದ್ರತೆಯ ಮೇಲಿನ ಬೆದರಿಕೆಯಾಗಿದೆ ಎಂದು ಆತಂಕ ವ್ಯಕ್ತವಾಗಿದೆ.