ದಿನಾಂತ್ಯಕ್ಕೆ ಕರಗಿದ ಜಿಎಸ್‌ಟಿ ಹಿತಾನುಭವ:ಸೆನ್ಸೆಕ್ಸ್‌ 11 ಅಂಕ ನಷ್ಟ

ಮುಂಬಯಿ : ಬೆಳಗ್ಗಿನ ಆರಂಭಿಕ ವಹಿವಾಟಿನಲ್ಲಿ ಕಂಡು ಬಂದಿದ್ದ ಜಿಎಸ್‌ಟಿ ಹಿತಾನುಭವದ ಉತ್ಸಾಹ ಸಂಜೆಯ ಹೊತ್ತಿಗೆ ಕರಗಿದ ಕಾರಣ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಮಂಗಳವಾರದ ವಹಿವಾಟನ್ನು 11.83 ಅಂಕಗಳ ನಷ್ಟದೊಂದಿಗೆ 31,209.79 ಅಂಕಗಳ ಮಟ್ಟದಲ್ಲಿ ನಿರಾಶಾದಾಯಕವಾಗಿ ಕೊನೆಗೊಳಿಸಿತು.

ಇದೇ ರೀತಿ ರಾಷ್ಟ್ರೀಯ ಶೇರುಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 1.70 ಅಂಕಗಳ ನಷ್ಟಕ್ಕೆ ಗುರಿಯಾಗಿ 9,613.30 ಅಂಕಗಳ ಮಟ್ಟದಲ್ಲಿ ದಿನದ ವಹಿವಾಟನ್ನು ಕೊನೆಗೊಳಿಸಿತು. 

ಇಂದಿನ ವಹಿವಾಟಿನಲ್ಲಿ ಅತೀ ಹೆಚ್ಚು ಕ್ರಿಯಾಶೀಲವಾಗಿದ್ದ ಶೇರುಗಳೆಂದರೆ ರಿಲಯನ್ಸ್‌, ಬಿಪಿಸಿಎಲ್‌, ಐಟಿಸಿ, ಎಸ್‌ ಬ್ಯಾಂಕ್‌, ಹಿಂಡಾಲ್ಕೋ.

ಟಾಪ್‌ ಗೇನರ್‌ಗಳು : ರಿಲಯನ್ಸ್‌, ಬಿಪಿಸಿಎಲ್‌, ಎಚ್‌ ಡಿ ಎಫ್ ಸಿ, ಇನ್‌ಫೋಸಿಸ್‌, ಕೋಟಕ್‌ ಮಹೀಂದ್ರ.  ಟಾಪ್‌ ಲೂಸರ್‌ಗಳು : ಐಡಿಯಾ ಸೆಲ್ಯುಲರ್‌, ಡಾ. ರೆಡ್ಡಿ. ಹೀರೋ ಮೋಟೋ ಕಾರ್ಪ್‌, ಎಕ್ಸಿಸ್‌ ಬ್ಯಾಂಕ್‌.