Bronze Medal ಮಹಿಮೆ; 9 ವರ್ಷಗಳಿಂದ ಭಡ್ತಿಯೇ ಆಗಿರದ ಸ್ವಪ್ನಿಲ್‌ ಕುಸಾಲೆಗೆ ಡಬಲ್‌ ಭಡ್ತಿ!

ಪ್ಯಾರಿಸ್‌ : ಒಲಿಂಪಿಕ್ಸ್‌ ಶೂಟಿಂಗ್‌ನಲ್ಲಿ ಕಂಚು ಗೆದ್ದಿರುವ ಸ್ವಪ್ನಿಲ್‌ ಕುಸಾಲೆ ಅವರಿಗೆ ಕೇಂದ್ರೀಯ ರೈಲ್ವೇ ಕ್ರೀಡಾ ಉಪಾಧಿಕಾರಿ ರಂಜಿತ್‌ ಮಹೇಶ್ವರಿ, ಡಬಲ್‌ ಭಡ್ತಿ ನೀಡುವುದಾಗಿ ಘೋಷಿಸಿದ್ದಾರೆ. ಕಳೆದ 9 ವರ್ಷಗಳಿಂದ ಅವರಿಗೆ ಭಡ್ತಿಯೇ ಆಗಿರಲಿಲ್ಲ.

2015ರಿಂದ ಪುಣೆಯ ಕೇಂದ್ರೀಯ ರೈಲ್ವೇ ಇಲಾಖೆಯಲ್ಲಿ ಟಿಕೆಟ್‌ ಕಲೆಕ್ಟರ್‌ ಆಗಿರುವ 28 ವರ್ಷದ ಸ್ವಪ್ನಿಲ್‌ ಕುಸಾಲೆ, ಕಳೆದ 9 ವರ್ಷಗಳಿಂದಲೂ ಭಡ್ತಿಗಾಗಿ ಬೇಡಿಕೆಯಿಟ್ಟಿದ್ದರು. ಹಲವಾರು ಬಾರಿ ಅರ್ಜಿಯೂ ಸಲ್ಲಿಸಿದ್ದರು. ಆದರೆ ಕಚೇರಿಯಲ್ಲಿ ಸ್ವಪ್ನಿಲ್‌ ವರ್ತನೆ ಸರಿಯಿಲ್ಲ ಎಂದು ಆರೋಪಿಸಿ, ಅವರ ಭಡ್ತಿಯನ್ನು ಮುಂದೂಡುತ್ತ ಬರಲಾಗಿದೆ ಎನ್ನಲಾಗಿದೆ.