ಕೋವಿಡ್‌-19 ಸೋಂಕಿಗೆ ಒಳಗಾಗಿದ್ದ ಬಾಕ್ಸರ್‌ ಡಿಂಗ್ಕೊ ಸಿಂಗ್‌ ಚೇತರಿಕೆ

ಹೊಸದಿಲ್ಲಿ: ಕೋವಿಡ್‌-19 ಸೋಂಕಿಗೆ ಒಳಗಾಗಿದ್ದ ಏಶ್ಯನ್‌ ಗೇಮ್ಸ್‌ ಬಂಗಾರ ಪದಕ ವಿಜೇತ ಬಾಕ್ಸರ್‌ ಡಿಂಗ್ಕೊ ಸಿಂಗ್‌ ಚೇತರಿಸಿಕೊಂಡಿದ್ದಾರೆ. ಕ್ಯಾನ್ಸರ್‌ನಿಂದಲೂ ನರಳುತ್ತಿದ್ದ ಅವರನ್ನು ಒಂದು ತಿಂಗಳ ಹಿಂದೆ ಇಂಫಾಲಾ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

ಶುಕ್ರವಾರದ ಕೋವಿಡ್‌-19 ಫ‌ಲಿತಾಂಶ ನೆಗೆಟಿವ್‌ ಬಂದ ಕಾರಣ ಡಿಂಗ್ಕೊ ಸಿಂಗ್‌ ಮನೆಗೆ ವಾಪಸಾಗಿದ್ದಾರೆ. ಮುಂದಿನ 2 ವಾರ ಐಸೊಲೇಶನ್‌ನಲ್ಲಿರುತ್ತಾರೆ.

“ಆಸ್ಪತ್ರೆಗೆ ದಾಖಲಾದ ಬಳಿಕ 5 ಸಲ ಪಾಸಿಟಿವ್‌ ಫ‌ಲಿತಾಂಶ ಬಂದಿತ್ತು. ಇದು ನನ್ನ ಬದುಕಿನ ಅತ್ಯಂತ ಕಠಿನ ದಿನಗಳಾಗಿದ್ದವು. ನನ್ನಲ್ಲಿ ಹೊಸ ಚೈತನ್ಯ ತುಂಬಿದ ವೈದ್ಯರಿಗೆ, ದಾದಿಯರಿಗೆ ಕೃತಜ್ಞತೆಗಳು’ ಎಂಬುದಾಗಿ ಡಿಂಗ್ಕೊ ಸಿಂಗ್‌ ಹೇಳಿದ್ದಾರೆ.