ಬೋಪಣ್ಣ , ಶರಣ್‌ ಮುನ್ನಡೆ

ಮೆಲ್ಬರ್ನ್,: ಆಸ್ಟೇಲಿಯನ್‌ ಓಪನ್‌ ಟೆನಿಸ್‌ ಪಂದ್ಯಾವಳಿಯ ಪುರುಷರ ಡಬಲ್ಸ್‌ ನಲ್ಲಿ ರೋಹನ್‌ ಬೋಪಣ್ಣ, ದಿವಿಜ್‌ ಶರಣ್‌ ತಮ್ಮ ತಮ್ಮ ಜತೆಗಾರರೊಂದಿಗೆ ಪ್ರೀ-ಕ್ವಾರ್ಟರ್‌ ಫೈನಲ್‌ ಹಂತ ಮುಟ್ಟಿದ್ದಾರೆ.

ಶುಕ್ರವಾರದ ದ್ವಿತೀಯ ಸುತ್ತಿನ ಪಂದ್ಯದಲ್ಲಿ ರೋಹನ್‌ ಬೋಪಣ್ಣ-ಎಡ್ವರ್ಡ್‌ ರೋಜರ್‌ ವೆಸಲಿನ್‌ ಕೂಡಿಕೊಂಡು ಜೊ ಸೂಸಾ (ಪೋರ್ಚುಗಲ್‌) – ಲಿಯೋನಾರ್ಡೊ ಮೇಯರ್‌ (ಆರ್ಜೆಂಟೀನಾ) ವಿರುದ್ಧ ದಿಟ್ಟ ಹೋರಾಟವೊಂದನ್ನು ಪ್ರದರ್ಶಿಸಿ 6-2, 7-6 (7-3) ಅಂತರದಿಂದ ಗೆದ್ದರು. ಬೋಪಣ್ಣ-ವೆಸಲಿನ್‌ ಇನ್ನು ಮೇಟ್‌ ಪಾವಿಕ್‌ (ಕ್ರೊವೇಶಿಯಾ)-ಒಲಿವರ್‌ ಮರಾಕ್‌ (ಆಸ್ಟ್ರಿಯ) ವಿರುದ್ಧ ಆಡಲಿದ್ದಾರೆ.

ದಿನದ ಇನ್ನೊಂದು ಪಂದ್ಯದಲ್ಲಿ ದಿವಿಜ್‌ ಶರಣ್‌-ರಾಜೀವ್‌ ರಾಮ್‌ (ಅಮೆರಿಕ) ಜೋಡಿ ಇಟೆಲಿಯ ಫ್ಯಾಗಿಯೊ ಫೊಗಿನಿ-ಸ್ಪೇನಿನ ಮಾರ್ಸೆಲ್‌ ಗ್ರಾನೋಲ್ಲರ್ ವಿರುದ್ಧ ಸೋಲಿನ ದವಡೆಯಿಂದ ಪಾರಾಗಿ ಬಂತು. ಇಂಡೋ-ಅಮೆರಿಕನ್‌ ಜೋಡಿಯ ಗೆಲುವಿನ ಅಂತರ 4-6, 7-6 (7-4), 6-2.