BOLLYWOOD: ರಾಕಿ – ರಾಣಿ ಪ್ರೇಮ್‌ ಕಹಾನಿಗೆ ಪ್ರೇಕ್ಷಕರು ಫಿದಾ; 1st ಡೇ ಗಳಿಸಿದ್ದೆಷ್ಟು?

ಮುಂಬಯಿ: ವಿಭಿನ್ನ ಕಥೆಗಳನ್ನು ಹೇಳುವಲ್ಲಿ ಖ್ಯಾತಿಯಾಗಿರುವ ಬಿಟೌನ್‌ ನಿರ್ದೇಶಕ ಕರಣ್‌ ಜೋಹರ್‌ ಅವರ “ರಾಕಿ ಔರ್ ರಾಣಿ ಕೀ ಪ್ರೇಮ್ ಕಹಾನಿ” ಥಿಯೇಟರ್‌ ಗೆ ಲಗ್ಗೆಯಿಟ್ಟಿದೆ. ಮೊದಲ ದಿನವೇ ಸಿನಿಮಾಕ್ಕೆ ಪಾಸಿಟಿವ್‌ ರೆಸ್ಪಾನ್ಸ್‌ ವ್ಯಕ್ತವಾಗಿದೆ.

ಬಾಲಿವುಡ್‌ ನಲ್ಲಿ ʼಗಲ್ಲಿ ಬಾಯ್‌ʼ ಸಿನಿಮಾದಲ್ಲಿ ಜೊತೆಯಾಗಿ ಕಾಣಿಸಿಕೊಂಡಿದ್ದ ರಣವೀರ್ ಸಿಂಗ್ ಹಾಗೂ ಆಲಿಯಾ ಭಟ್ “ರಾಕಿ ಔರ್ ರಾಣಿ ಕೀ ಪ್ರೇಮ್ ಕಹಾನಿʼʼ ಯಲ್ಲಿ ಮೋಡಿ ಮಾಡಿದ್ದಾರೆ. ಇಬ್ಬರ ನಡುವಿನ ಕೆಮೆಸ್ಟ್ರಿ ಬಿಗ್‌ ಸ್ಕ್ರೀನ್‌ ನಲ್ಲಿ ಪ್ರೇಕ್ಷಕರನ್ನು ರಂಜಿಸಿದೆ.

ಕರಣ್ ಜೋಹರ್‌ ಮೊದಲಿನಿಂದಲೂ ಲವ್‌ ಸ್ಟೋರಿಯನ್ನು ವಿಭಿನ್ನವಾಗಿ ಹೇಳುವವರಲ್ಲಿ ಖ್ಯಾತಿ. ಸಿನಿಮಾದ ಬಗ್ಗೆ ನಿರೀಕ್ಷೆ ಹೆಚ್ಚಿರಲು ಒಂದು ಕಾರಣವೆಂದರೆ ಅದು ಕರಣ್‌ ಜೋಹರ್. ಕಥೆ ಹಾಗೂ ಆಲಿಯಾ, ರಣವೀರ್‌  ಅಭಿನಯದಿಂದ ಸಿನಿಮಾ ಗಮನ ಸೆಳೆಯುತ್ತದೆ.

ಸಿನಿಮಾದಲ್ಲಿ ಪಂಜಾಬ್‌ ಮೂಲದ ರಾಕಿ, ಬೆಂಗಾಳಿ ಮೂಲದ ರಾಣಿ ಪ್ರೇಮಕಥೆಯನ್ನು ತೋರಿಸಲಾಗಿದೆ. ಕರಣ್‌ ಜೋಹರ್‌ ಅವರ ಹಿಂದಿನ ಕೆಲ ಸಿನಿಮಾದಲ್ಲಿರುವಂತೆ ಈ ಸಿನಿಮಾದಲ್ಲೂ ಕೌಟುಂಬಿಕ ಕಥೆಯನ್ನು ತೋರಿಸಲಾಗಿದೆ.

ಇದನ್ನೂ ಓದಿ: ಮೊದಲ ದಿನವೇ ಮೋಡಿ ಮಾಡಿದ ಪವನ್‌ ಕಲ್ಯಾಣ್‌ – ಸಾಯಿ ಧರಮ್ ತೇಜ್ ʼಬ್ರೋʼ: ಕಲೆಕ್ಷನ್‌ ಎಷ್ಟು?

ಬಾಲಿವುಡ್‌ ನ ಬಹು ನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾಗಿರುವ “ರಾಕಿ ಔರ್ ರಾಣಿ ಕೀ ಪ್ರೇಮ್ ಕಹಾನಿ” ಮೊದಲ ದಿನ ಬಾಕ್ಸ್‌ ಆಫೀಸ್‌ ನಲ್ಲಿ ಉತ್ತಮ ಆರಂಭವನ್ನು ಪಡೆದುಕೊಂಡಿದೆ. ಮೊದಲ ದಿನದಲ್ಲಿ ಅಂದಾಜು 11.50 ಕೋಟಿ ರೂಪಾಯಿ ಕಲೆಕ್ಷನ್‌ ಮಾಡಿದೆ. ಸಿನಿಮದ 21.25% ರಷ್ಟು ಕಲೆಕ್ಷನ್‌ ಹಿಂದಿ ಬೆಲ್ಟ್‌ ನಿಂದ ಬಂದಿದೆ. ನಿಜವಾದ ಅಂಕಿಅಂಶಗಳು ಇನ್ನಷ್ಟೇ ಬರಬೇಕಿದೆ ಎಂದು ವರದಿ ತಿಳಿಸಿದೆ.

ವಾರಾಂತ್ಯ ಹಾಗೂ ಮುಂದಿನ ದಿನದಲ್ಲಿ ಬಾಲಿವುಡ್‌ ನಲ್ಲಿ ಸಿನಿಮಾ ಭರ್ಜರಿ ಕಲೆಕ್ಷನ್‌ ಮಾಡುವ ನಿರೀಕ್ಷೆಯಿದೆ ಎಂದು ವರದಿ ತಿಳಿಸಿದೆ.