ಜಿಂದ್‌ ಉಪಚುನಾವಣೆ ಗೆದ್ದ ಬಿಜೆಪಿ, ಕಾಂಗ್ರೆಸ್‌ಗೆ 3ನೇ ಸ್ಥಾನ

ಜಿಂದ್‌ : ಹರಿಯಾಣದ ಜಿಂದ್‌ ವಿಧಾನಸಭಾ ಕ್ಷೇತ್ರಕ್ಕೆ ನಡೆದ ಉಪ ಚುನಾವಣೆಯಲ್ಲಿ ಬಿಜೆಪಿ ಗೆಲುವು ಸಾಧಿಸಿದೆ.

ಬಿಜೆಪಿ ಅಭ್ಯರ್ಥಿ ಕೃಷನ್‌ ಲಾಲ್‌ ಮಿಡ್ಡಾ ಅವರು, ಜನನಾಯಕ ಜನತಾ ಪಕ್ಷದ (JJP) ಅಭ್ಯರ್ಥಿ ದಿಗ್ವಿಜಯ್‌ ಸಿಂಗ್‌ ಚೌಟಾಲಾ ಅವರನ್ನು 12,935 ಮತಗಳ ಅಂತರದಿಂದ ಸೋಲಿಸಿದ್ದಾರೆ. 

ಬಿಜೆಪಿ ಅಭ್ಯರ್ಥಿ ಮಿಡ್ಡಾ ಅವರಿಗೆ ಒಟ್ಟು 50,566 ಮತಗಳು ಸಿಕ್ಕವು; ಜೆಜೆಪಿಯ ಚೌಟಾಲಾಗೆ 37,631 ಮತಗಳು ಲಭಿಸಿದವು; ಕಾಂಗ್ರೆಸ್‌ ನ ಆರ್‌ ಎಸ್‌ ಸುರ್‌ಜೇವಾಲಾ ಅವರಿಗೆ 22,740 ಮತಗಳು ದೊರಕಿದವು. 

ಹಾಲಿ ಶಾಸಕನಾಗಿದ್ದು ಕಣಕ್ಕಿಳಿಸಲ್ಪಟ್ಟಿದ್ದ  ಕಾಂಗ್ರೆಸ್‌ ವಕ್ತಾರ, ಬಲಿಷ್ಠ ಅಭ್ಯರ್ಥಿ ರಣದೀಪ್‌ ಸುರ್‌ಜೇವಾಲಾ ಅವರು ತೃತೀಯ ಸ್ಥಾನಕ್ಕಿಳಿದದ್ದು ಕಾಂಗ್ರೆಸ್‌ಗೆ ಭಾರೀ ಮುಖಭಂಗವಾದಂತಾಗಿದೆ.