Advertisement
ಬಿಜೆಪಿ ಪ್ರತಿ ಎರಡು ಕ್ಷೇತ್ರಕ್ಕೆ ಒಂದರಂತೆ ಒಟ್ಟು 202 ರ್ಯಾಲಿಗಳನ್ನು ನಡೆಸಲಿದೆ. ಒಬಿಸಿ ಸಮುದಾಯಗಳಿಗಾಗಿಯೇ ಈ ರ್ಯಾಲಿ ನಡೆಸಲಾಗುವುದು. ಒಬಿಸಿಯ ಉಪ ಜಾತಿಗಳಿಗಾಗಿ 20 ಸಾಮಾಜಿಕ ಸಮ್ಮೇಳನ ನಡೆಸಲಾಗುವುದು. ಎಸ್‌ಸಿ ಮೋರ್ಚಾದವರು 75 ಜಿಲ್ಲೆಗಳಲ್ಲಿ ಅನುಸೂಚಿತ ಜಾತಿ ಸಮ್ಮೇಳನ ನಡೆಸಲಿದ್ದಾರೆ. ಅಲ್ಪಸಂಖ್ಯಾತ ಮೋರ್ಚಾವು ಮುಸ್ಲಿಂ ಮತಗಳು ಹೆಚ್ಚಿರುವ ಕ್ಷೇತ್ರಗಳಲ್ಲಿ 21 ಸದಸ್ಯರ ವಿಶೇಷ ತಂಡ ರಚಿಸುತ್ತಿದ್ದು, ಮತ ಸೆಳೆಯುವ ಪ್ರಯತ್ನ ಮಾಡುತ್ತಿದೆ ಎನ್ನಲಾಗಿದೆ.
ಇನ್ನೊಂದೆಡೆ, ಗೋವಾದ ಮಾಜಿ ಸಿಎಂ ಲುಯಿಜಿನ್ಹೊ ಅವರು ಕಾಂಗ್ರೆಸ್‌ ತ್ಯಜಿಸಿ ಟಿಎಂಸಿ ಸೇರಿದ ಬೆನ್ನಲ್ಲೇ ಮತ್ತೊಬ್ಬ ಶಾಸಕ ಅಲೆಕ್ಸೊ ಲಾರೆಂಕೊ ಪಕ್ಷ ತ್ಯಜಿಸಿ ಎಎಪಿ ಸೇರಲಿದ್ದಾರೆ ಎನ್ನುವ ಸುದ್ದಿಯೊಂದು ಹರಿದಾಡತೊಡಗಿದೆ. ಒಂದು ವೇಳೆ ಹಾಗಾದರೆ ಗೋವಾದಲ್ಲಿ ಕಾಂಗ್ರೆಸ್‌ ಸ್ಥಾನ 3ಕ್ಕೆ ಕುಸಿಯಲಿದೆ.