Uttar Pradesh: ಮಹಾಕುಂಭದಲ್ಲಿ ಮುಸ್ಲಿಮರ ಮತಾಂತರ: ಯೋಗಿಗೆ ಮೌಲ್ವಿ ಪತ್ರ

ಲಕ್ನೋ: ಮಹಾಕುಂಭ ಮೇಳ ಶುರುವಾಗಲು ದಿನಗಣನೆ ಆರಂಭವಾಗಿರುವಂತೆಯೇ ಕಾರ್ಯಕ್ರಮದಲ್ಲಿ ಮುಸಲ್ಮಾನರನ್ನು ಸಾಮೂಹಿಕವಾಗಿ ಮತಾಂತರಗೊ­ಳಿಸಲು ಸಂಚು ರೂಪಿಸಲಾಗುತ್ತಿದೆ. ಇದನ್ನು ತಡೆಗಟ್ಟಿ ಎಂದು ಮುಸ್ಲಿಂ ಧರ್ಮಗುರು ಒಬ್ಬರು ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ ಅವರಿಗೆ ಪತ್ರ ಬರೆದಿದ್ದಾರೆ.

ಅಖಿಲ ಭಾರತ ಮುಸ್ಲಿಂ ಜಮಾತ್‌ ಅಧ್ಯಕ್ಷ ಮೌಲಾನಾ ಶಹಬುದ್ದೀನ್‌ ರಾಜ್ವಿ ಬರೆಲ್ವಿ ಈ ಬಗ್ಗೆ ಆತಂಕ ವ್ಯಕ್ತಪಡಿಸಿ, “ಕುಂಭ ಮೇಳದಲ್ಲಿ ಮತಾಂ­ತರಿಸುವ ಸಿದ್ಧತೆ ನಡೆಯುತ್ತಿದೆ ಎಂದು ಮೂಲಗಳಿಂದ ತಿಳಿದು ಬಂದಿದೆ. ಉಳಿದಿದ್ದು ಸಿಎಂ ನೋಡಿಕೊಳ್ಳಲಿ’ ಎಂದಿ ದ್ದಾರೆ. ಹಜ್‌ ಸಮಿತಿ ಅಧ್ಯಕ್ಷ ಮೋಶಿನ್‌ ರಾಜಾ ಪತ್ರಕ್ಕೆ ಪ್ರತಿಕ್ರಿಯೆ ನೀಡಿ “ಹಿಂದೂ ಗಳನ್ನು ಯಾರು ಅಕ್ರಮವಾಗಿ ಮತಾಂತರಿಸಿದ್ದವರಿಗೆ ಘರ್‌ವಾಪ್ಸಿಯ ಭಯ ಕಾಡುತ್ತಿರಬಹುದು’ ಎಂದಿದ್ದಾರೆ.