ನವದೆಹಲಿ : ರಾಹುಲ್ ಗಾಂಧಿ ಅವರ ಭಾರತ್ ಜೋಡೋ ಯಾತ್ರೆ ತೆಲಂಗಾಣದ ಮೂಲಕ ಹಾದುಹೋಗುತ್ತಿದ್ದು,ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಗ್ರಾಸವಾಗಿದೆ.
ಪ್ರತಿ ನಿತ್ಯ ಹಲವರನ್ನು ಭೇಟಿಯಾಗುವ ರಾಹುಲ್ ಗಾಂಧಿಯವರು ನಟಿ ಮತ್ತು ಸಾಮಾಜಿಕ ಕಾರ್ಯಕರ್ತೆ ಪೂನಂ ಕೌರ್ ಅವರ ಕೈಯನ್ನು ಹಿಡಿದಿರುವುದು ಫೋಟೋದಲ್ಲಿ ಕಾಣಿಸಿಕೊಂಡಿದ್ದು, ಬಿಜೆಪಿ ನಾಯಕಿ ಪ್ರೀತಿ ಗಾಂಧಿ ಈ ಚಿತ್ರವನ್ನು ಟ್ವಿಟರ್‌ನಲ್ಲಿ ಶೀರ್ಷಿಕೆ ಬರೆದು ಪೋಸ್ಟ್ ಮಾಡಿರುವುದು ಸಮರಕ್ಕೆ ಕಾರಣವಾಗಿದೆ. ಪೂನಂ ಸೇರಿದಂತೆ ಹಲವು ನಾಯಕರು ಆಕ್ಷೇಪಿಸಿ ತಿರುಗೇಟು ನೀಡಿ ಟ್ವೀಟ್ ಅಳಿಸುವಂತೆ ಕಿಡಿ ಕಾರಿದ್ದಾರೆ.
ರಾಹುಲ್ ಗಾಂಧಿ ಮತ್ತು ಪೂನಂ ಕೌರ್ ಅವರ ಚಿತ್ರವನ್ನು ಹಂಚಿಕೊಂಡಿರುವ ಪ್ರೀತಿ ಗಾಂಧಿ ಅವರು “ಅವರ ಮುತ್ತಜ್ಜನ ಹೆಜ್ಜೆಗಳನ್ನು ಅನುಸರಿಸುತ್ತಿದ್ದಾರೆ” ಎಂದು ಬರೆದಿದ್ದಾರೆ. ಅಂತಹ ಶೀರ್ಷಿಕೆಯನ್ನು ಬರೆದ ನಂತರ, ಅನೇಕ ಕಾಂಗ್ರೆಸ್ ನಾಯಕರು ಪ್ರೀತಿ ವಿರುದ್ಧ ಕಿಡಿ ಕಾರಿದ್ದಾರೆ.
ಪೂನಂ ಕೌರ್ ಅವರು ತಿರುಗೇಟು ನೀಡಿ “ಇದು ನಿಮಗೆ ಸಂಪೂರ್ಣವಾಗಿ ಅವಮಾನಕರವಾಗಿದೆ, ಪ್ರಧಾನಿ ನಾರಿ ಶಕ್ತಿಯ ಬಗ್ಗೆ ಮಾತನಾಡಿದ್ದು ನೆನಪಿರಲಿ -ನಾನು ಹೆಚ್ಚುಕಡಿಮೆ ಜಾರಿ ಪಲ್ಟಿಯಾಗುತ್ತಿದ್ದೆ. ಸರ್ ನನ್ನ ಕೈ ಹಿಡಿದುಕೊಂಡರು.”ಅಜ್ಜ!!” ಎಂದು ತಿರುಗೇಟು ನೀಡಿದ್ದಾರೆ.
