ತಮಗಿಂತ 20 ವರ್ಷ ಸಣ್ಣವರಿಗೆ ಕೈ ಮುಗಿದು ಹೊರಟ ಅಶೋಕ್‌: ಮುಂದುವರಿದ ಯತ್ನಾಳ್‌ಟೀಕೆ

ಬೆಳಗಾವಿ: ಬೆಳಗಾವಿ ಅಧಿವೇಶನದ ಕೊನೆಯ ದಿನವೂ ಬಿಜೆಪಿ ಶಾಸಕ ಬಸನಗೌಡ ಪಾಟೀಲ್‌ ಯತ್ನಾಳ್‌ ಅವರು ಸ್ವಪಕ್ಷೀಯರ ವಿರುದ್ಧ ಟೀಕೆ ಮುಂದುವರಿ ಸಿದ್ದು, “ತಮಗಿಂತ ಇಪ್ಪತ್ತು ವರ್ಷ ಸಣ್ಣವರಿಗೆ ಅಶೋಕ್‌ ಕೈ ಮುಗಿದುಕೊಂಡು ಹೊರಟಿದ್ದಾರೆ’ ಎಂದು ಟೀಕಿಸಿದ್ದಾರೆ.

ಉತ್ತರ ಕರ್ನಾಟಕದ ಚರ್ಚೆಗೆ ಸಿಎಂ ಸಿದ್ದರಾಮಯ್ಯ ಉತ್ತರ ಕೊಡುವ ಸಂದರ್ಭದಲ್ಲಿ ಯತ್ನಾಳ್‌ ಅವರನ್ನು ಟೀಕಿಸಲು ಯಾರಿಗೂ ಸಾಧ್ಯವಿಲ್ಲ ಎಂದು ಡಿ.ಕೆ.ಶಿವಕುಮಾರ್‌ ಕಾಲೆಳೆದರು. ಆ ಸಂದರ್ಭದಲ್ಲಿ ರಾಜಕಾರಣದಲ್ಲಿ ಹಿರಿತನ, ಕಿರಿತನದ ಪ್ರಶ್ನೆ ಎದುರಾಯಿತು. ಮಧ್ಯಪ್ರದೇಶದಲ್ಲಿ ಬಿಜೆಪಿ ಮೊದಲ ಬಾರಿಗೆ ಗೆದ್ದವರಿಗೆ ಅವಕಾಶ ನೀಡಿದೆ ಎಂದಾಗ, ಯತ್ನಾಳ್‌ ಅವರು ಅಶೋಕ್‌ಗೆ ಕುಟುಕಿದರು.

ಆಗ ಮಧ್ಯ ಪ್ರವೇಶಿಸಿದ ಸ್ಪೀಕರ್‌, ರಾಜಕಾರಣದಲ್ಲಿ ಅಧಿಕಾರ ಸಿಕ್ಕವರು ಸೀನಿಯರ್‌, ಸಿಗದವರು ಜ್ಯೂನಿಯರ್‌ ಎಂದರು. ಹೌದು, ಅಧಿಕಾರ ಸಿಕ್ಕವರು ಸೀನಿ ಯರ್‌ ಎಂದು ಸಿಎಂ ಹೇಳಿದಾಗ, ಡಿ.ಕೆ.ಶಿವಕುಮಾರ್‌ ಯಾವಾಗ ಸೀನಿಯರ್‌ ಆಗು ತ್ತಾರೆ ಎಂದು ಅಶೋಕ್‌ ಪ್ರಶ್ನಿಸಿದರು. ಸಿಎಂ ಕೇಳದಂತೆ ಮೌನಕ್ಕೆ ಶರಣಾದರು.