BBK11: ನಿಮ್ಮನ್ನು ಆಚೆ ಕಳ್ಸಿಯೇ ನಾನು ಹೋಗೋದು ಚೈತ್ರಾ ವಿರುದ್ಧ ಗುಡುಗಿದ ರಜತ್

ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ಈ ವಾರದ ನಾಮಿನೇಟ್ ಪ್ರಕ್ರಿಯೆ ನಡೆದಿದೆ. ರಜತ್ ಅವರು ಶೋಭಾ ಅವರ ಹೆಸರನ್ನು ಹೇಳಿ ಬಾಣಕ್ಕೆ ಅವರ ಫೋಟೋ ಚುಚ್ಚಿ ನಾಮಿನೇಟ್ ಮಾಡಿದ್ದಾರೆ. ಇನ್ನೊಂದು ನಾಮಿನೇಷನ್ ಗೆ ಶಿಶಿರ್ ಅವರನ್ನು ತೆಗೆದುಕೊಂಡಿದ್ದಾರೆ.

ಇದಕ್ಕೆ ಮಹಾರಾಜರಾಗಿರು ಮಂಜು ಅವರು ಶೋಭ ಅವರಿಗೆ ಕೊಟ್ಟ ಕಾರಣವನ್ನು ಒಪ್ಪಿದ್ದಾರೆ. ಶಿಶಿರ್ ಅವರಿಗೆ ಕೊಟ್ಟ ಕಾರಣವನ್ನು ಒಪ್ಪಿಲ್ಲ. ಹೀಗಾಗಿ ರಜತ್ ಅವರೇ ನಾಮಿನೇಟ್ ಆಗಿದ್ದಾರೆ.

ಗೌತಮಿ ಅವರು ಸುರೇಶ್ ಅವರನ್ನು ಒಪ್ಪಲು ಯೋಗ್ಯರಲ್ಲ ಎನ್ನುವ ಕಾರಣವನ್ನು ನಾಮಿನೇಟ್ ಮಾಡಿದ್ದಾರೆ. ಶಿಶಿರ್ ಅವರು ಪ್ರಾಮಾಣಿಕವಾಗಿ ಆಡುತ್ತಿಲ್ಲ ಎನ್ನುವ ಕಾರಣವನ್ನು ಕೊಟ್ಟು ನಾಮಿನೇಟ್ ಮಾಡಿದ್ದಾರೆ.

ಶೋಭಾ ಅವರು ರಜತ್ ಹಾಗೂ ಭವ್ಯ ಅವರ ಹೆಸರನ್ನು ನಾಮಿನೇಷನ್ ಗೆ ತೆಗೆದುಕೊಂಡಿದ್ದಾರೆ. ಇದಕ್ಕೆ ಮಹಾರಾಜ ಮಂಜು ಅವರು ಒಪ್ಪಿಲ್ಲ. ಹಾಗಾಗಿ ಶೋಭಾ ಅವರೇ ಮತ್ತೆ ನಾಮಿನೇಟ್ ಆಗಿದ್ದಾರೆ.

ಸುರೇಶ್ ಅವರು ರಜತ್ ಹಾಗೂ ಗೌತಮಿ ಅವರ ಹೆಸರನ್ನು ತೆಗೆದುಕೊಂಡಿದ್ದಾರೆ. ಇದನ್ನು ಮಂಜು ಅವರು ಒಪ್ಪಿಲ್ಲ. ಹೀಗಾಗಿ ಸುರೇಶ್ ಅವರೇ ನಾಮಿನೇಟ್ ಆಗಿದ್ದಾರೆ.

ಗೌತಮಿ ನೀವು ಪಾಸಿಟಿವ್ ಆಗಿಲ್ಲವೆಂದು ಸುರೇಶ ಹೇಳಿದ್ದಾರೆ. ಇದಕ್ಕೆ ಗೌತಮಿ ನಾನು ಪಾಸಿಟಿವಿಟಿ ಆಗಿ ಇರುವುದು ನನ್ನಗಾಗಿ ಮಾತ್ತ ಅದು ಯಾರಿಗೂ ತೋರಿಸುವ ಅಗತ್ಯವಿಲ್ಲವೆಂದಿದ್ದಾರೆ.

ಶಿಶಿರ್ ಅವರು ತ್ರಿವಿಕ್ರಮ್ ಹಾಗೂ ಸುರೇಶ್ ಅವರ ಹೆಸರನ್ನು ನಾಮಿನೇಷನ್ ಗೆ ತೆಗೆದುಕೊಂಡಿದ್ದಾರೆ.

ಇದಕ್ಕೆ ತ್ರಿವಿಕ್ರಮ್, ಸುರೇಶ್ ಅವರಿಗೆ ಕೊಟ್ಟ ಕಾರಣವನ್ನು ಮಹಾರಾಜ ಮಂಜು ಒಪ್ಪಿಲ್ಲ ಹೀಗಾಗಿ ಶಿಶಿರ್ ಅವರೇ ನಾಮಿನೇಟ್ ಆಗಿದ್ದಾರೆ.

ಭವ್ಯ ಅವರು ಐಶ್ವರ್ಯಾ, ಶಿಶಿರ್ ಅವರ ಹೆಸರನ್ನು ನಾಮಿನೇಷನ್ ಗೆ ತೆಗೆದುಕೊಂಡಿದ್ದಾರೆ.

ಇದಕ್ಕೆ ಮಂಜು ಅವರು ಐಶ್ವರ್ಯಾ, ಶಿಶಿರ್ ಅವರಿಗೆ ಕೊಟ್ಟ ಎರಡೂ ಕಾರಣವನ್ನು ಒಪ್ಪಿಲ್ಲ. ಹೀಗಾಗಿ ಭವ್ಯ ಅವರೇ ನಾಮಿನೇಟ್ ಆಗಿದ್ದಾರೆ.

ಹನುಮಂತು ಅವರು ಶೋಭಾ ಅವರ ಕ್ಯಾಪ್ಟನ್ ವಿಚಾರದಲ್ಲಿ ಅವರು ಬುದ್ದಿವಂತಿಕೆ ಬಳಸಿಲ್ಲವೆನ್ನುವ ಕಾರಣವನ್ನು ನಾಮಿನೇಟ್ ಮಾಡಿದ್ದಾರೆ. ಮಂಜು ಹಾಗೂ ರಜತ್ ಅವರ ಪ್ಲ್ಯಾನ್ ಮಾಡಿದ ಪ್ರಕಾರವೇ ಆಡಿದ್ದಾರೆ ಎನ್ನುವ ಕಾರಣವನ್ನು ಕೊಟ್ಟಿದ್ದಾರೆ.

ಹನುಮಂತು ಅವರ ಕಾರಣಕ್ಕೆ ಶೋಭಾ ಅವರು, ನಿಮ್ಮ ಬುದ್ದಿವಂತಿಕೆ ಎಲ್ಲಿ ಹೋಯಿತು ಪ್ರಶ್ನಿಸಿದ್ದಾರೆ.

ಹನುಮಂತು ಹೇಳಿದ್ದು ಸೂಕ್ತ ಅನ್ನಿಸುತ್ತದೆ ಎಂದು ಮಂಜು ಹೇಳಿದ್ದಾರೆ. ಇದು ಮಂಜು ಅವರ ಆಜ್ಞೆ. ಅಲ್ಲಿ ಹೋಗಿ ಕೂತುಕೊಳ್ಳಿ ಎಂದು ಆಜ್ಞೆ ಮಾಡಿದ್ದಾರೆ.

ಇನ್ನೊಂದು ನಾಮಿನೇಷನ್ ಗೆ ಸುರೇಶ್ ಅವರ ಹೆಸರನ್ನು ತೆಗೆದುಕೊಂಡಿದ್ದಾರೆ. ಇದಕ್ಕೆ ಕೊಟ್ಟ ಕಾರಣವನ್ನು ಮಂಜು ಒಪ್ಪಿದ್ದಾರೆ.

ಮೋಕ್ಷಿತಾ ಅವರು ತ್ರಿವಿಕ್ರಮ್‌ ಅವರ ಹೆಸರನ್ನು ಹೇಳಿದ್ದು, ತ್ರಿವಿಕ್ರಮ್ ಅವರಿಗೆ ಎರಡು ಮುಖವಿದೆ. ಮಂಜು ಸ್ಟೇಜ್‌ ಬಿಲ್ಡ್‌ ಅಪ್‌ ಕೊಡುತ್ತಾರೆ ಆಚೆ ಏನೂ ಇಲ್ಲ ಅಂಥ ಹೇಳುತ್ತಾರೆ.ಅವರು ಈಗಲೂ ಗೋಮುಖ ವ್ಯಾಘ್ರ ಎಂದು ಮೋಕ್ಷಿತಾ ತ್ರಿವಿಕ್ರಮ್‌ ಬಗ್ಗೆ ಹೇಳಿದ್ದಾರೆ.

ಇನ್ನೊಂದು ‌ನಾಮಿನೇಷನ್ ಗೆ ಭವ್ಯ ಅವರ ಹೆಸರನ್ನು ತೆಗೆದುಕೊಂಡಿದ್ದಾರೆ. ಇದಕ್ಕೆ ಮಂಜು ಅವರು ತ್ರಿವಿಕ್ರಮ್, ಭವ್ಯ ಅವರಿಗೆ ಕೊಟ್ಟ ಕಾರಣವನ್ನು ಒಪ್ಪಿದ್ದಾರೆ.

ನನಗೆ ಗೋಮುಖ ವ್ಯಾಫ್ರ ಅಂತಾರೆ. ಇವರು ಎರಡು ತಲೆ ನಾಗರಹಾವು. ಇವರು ನಂಬಿಕೆಗೆ ಅರ್ಹತೆನೇ ಇಲ್ಲವೆನ್ನುವ ವ್ಯಕ್ತಿ ಇರುವ ವ್ಯಕ್ತಿ ಅಂದರೆ ಅದು ಮೋಕ್ಷಿತಾ ಎಂದು ತ್ರಿವಿಕ್ರಮ್‌ ಮೋಕ್ಷಿತಾ ಅವರ ಹೆಸರನ್ನು ನಾಮಿನೇಷನ್ ಗೆ ತೆಗೆದುಕೊಂಡಿದ್ದಾರೆ.

ಇನ್ನೊಂದು ನಾಮಿನೇಷನ್ ಗೆ ಐಶ್ವರ್ಯಾ ಅವರನ್ನು ಹೆಸರನ್ನು ತೆಗೆದುಕೊಂಡಿದ್ದಾರೆ. ಇದಕ್ಕೆ ಮಂಜು ಅವರು ಮೋಕ್ಷಿತಾ, ಐಶ್ವರ್ಯಾ ಇಬ್ಬರಿಗೂ ಕೊಟ್ಟ ಕಾರಣವನ್ನು ಒಪ್ಪಿದ್ದಾರೆ. ಹಾಗಾಗಿ ಅವರಿಬ್ಬರು ನಾಮಿನೇಟ್ ಆಗಿದ್ದಾರೆ.

ಚೈತ್ರಾ ಅವರು ರಜತ್ ತಮ್ಮನ್ನು ಬಾಸ್ ಬಾಸ್ ಎಂದು ಕರೆಯುವ ವಿಚಾರಕ್ಕೆ ಗರಂ ಆಗಿದ್ದಾರೆ. ಬದುಕಿನಲ್ಲಿ ತಮಾಷೆಗೂ, ವ್ಯಂಗ್ಯಕ್ಕೂ, ಅಪಹಾಸ್ಯಕ್ಕೂ, ಅಪಮಾನಕ್ಕೂ ಅರ್ಥವೇ ಗೊತ್ತಿಲ್ಲದ ದಡ್ಡಿ ನಾನಲ್ಲ.

ನಾನು ಇವಾಗಲೂ ಹೇಳ್ತೇನೆ ಇವರೇ ನನ್ನ ಬಾಸ್. ನಾನು ನಿಮ್ಮನ್ನು ಕಳ್ಸಿಯೇ ಮನೆಯಿಂದ ಆಚೆ ಹೋಗಬೇಕೆಂದಿದ್ದೇನೆ ಎಂದು ರಜತ್ ಹೇಳಿದ್ದಾರೆ.

ಇನ್ನೊಂದು ನಾಮಿನೇಷನ್ ಗೆ ಸುರೇಶ ಅವರ ಹೆಸರನ್ನು ತೆಗೆದುಕೊಂಡಿದ್ದಾರೆ. ಇದಕ್ಕೆ ಮಂಜು ರಜತ್, ಸುರೇಶ್ ಅವರಿಬ್ಬರಿಗೂ ಕೊಟ್ಟ ಕಾರಣವನ್ನು ಒಪ್ಪಿಲ್ಲ. ಹೀಗಾಗಿ ಚೈತ್ರಾ ಅವರೇ ನಾಮಿನೇಟ್ ಆಗಿದ್ದಾರೆ.

ಧನರಾಜ್ ಅವರು ತ್ರಿವಿಕ್ರಮ್ ಹಾಗೂ ಶೋಭಾ ಅವರ ಹೆಸರನ್ನು ನಾಮಿನೇಷನ್ ತೆಗೆದುಕೊಂಡಿದ್ದಾರೆ. ಇದಕ್ಕೆ ಮಂಜು ಅವರು ತ್ರಿವಿಕ್ರಮ್ ಅವರಿಗೆ ‌ಕೊಟ್ಟ ಕಾರಣವನ್ನು ಒಪ್ಪಿದ್ದಾರೆ. ಶೋಭಾ ಅವರಿಗೆ ಕೊಟ್ಟ ಕಾರಣವನ್ನು ಒಪ್ಪಿಲ್ಲ. ಹಾಗಾಗಿ ಧನರಾಜ್ ನಾಮಿನೇಟ್ ಆಗಿದ್ದಾರೆ.