ಬಿಗ್‌ಬಾಸ್‌ ಸೀಸನ್‌-6 ಶುರು

ಕಲರ್ಸ್ ವಾಹಿನಿಯ ಬಿಗ್‌ಬಾಸ್‌ ಸೀಸನ್‌-6 ರಿಯಾಲಿಟಿ ಶೋಗೆ ಭಾನುವಾರ ಚಾಲನೆ ಸಿಕ್ಕಿದೆ. ಹದಿನೆಂಟು ಮಂದಿ ಸ್ಪರ್ಧಿಗಳು ಬಿಗ್‌ಬಾಸ್‌ ಮನೆ ಪ್ರವೇಶಿಸಿದ್ದಾರೆ.ಈ ಮೂಲಕ ಈ ಬಾರಿ ಬಿಗ್‌ಬಾಸ ಮನೆಯನ್ನು ಯಾರು ಪ್ರವೇಶಿಸಲಿದ್ದಾರೆಂಬ ಕುತೂಹಲಕ್ಕೆ ತೆರೆಬಿದ್ದಿದೆ. ವಿವಿಧ ಕ್ಷೇತ್ರಗಳ ಒಟ್ಟು ಹದಿನೆಂಟು ಮಂದಿ ಸ್ಪರ್ಧಿಗಳು ಬಿಗ್‌ಬಾಸ್‌ ಮನೆ ಪ್ರವೇಶಿಸಿದ್ದಾರೆ. ಈ ಶೋ ಕಲರ್ಸ್ ಸೂಪರ್‌ನಲ್ಲಿ ಪ್ರತಿ ದಿನ ರಾತ್ರಿ 8 ಗಂಟೆಗೆ ಪ್ರಸಾರವಾಗಲಿದೆ.

ನಟಿ ಸೋನು ಪಾಟೀಲ್, ಆ್ಯಂಡ್ರ್ಯೂ, ಕಿರುತೆರೆ ನಟಿ ಜಯಶ್ರೀ, ರಾಕೇಶ್‌, “ಒಗ್ಗರಣೆ ಡಬ್ಬಿ’ಯ ಮುರುಳಿ, ಅಕ್ಷತಾ, ಕ್ರಿಕೆಟರ್‌ ರಕ್ಷಿತಾ, ರ್ಯಾಪಿಡ್‌ ರಶ್ಮಿ, ಅಡಮ್, ಕವಿತಾ, ಬಾಡಿ ಬಿಲ್ಡರ್‌, ನಟ ರವಿ, ಶಶಿ, ರೀಮಾ, ಗಾಯಕ ನವೀನ್‌ ಸಜ್ಜು, ಸ್ನೇಹಾ, ಆನಂದ್‌, ನೈನಾ ಹಾಗೂ ಧನರಾಜ್‌ ಈ ಬಾರಿ ಬಿಗ್‌ಬಾಸ್‌ ಸೀಸನ್‌-6 ರ ಸ್ಪರ್ಧಿಗಳಾಗಿ ಮನೆ ಪ್ರವೇಶಿಸಿದ್ದಾರೆ. ಸುದೀಪ್‌ ಈ ಶೋನ ನಿರೂಪಕರಾಗಿದ್ದು, ಬೆಂಗಳೂರಿನ ಇನ್ನೋವೇಟಿವ್‌ ಫಿಲಂ ಸಿಟಿಯೊಳಗೆ ಬಿಗ್‌ಬಾಸ್‌ ಮನೆ ನಿರ್ಮಿಸಲಾಗಿದೆ.