Advertisement
ಬಂಟ್ವಾಳದ ಬಹುತೇಕ ಗ್ರಾಮೀಣ ಭಾಗಗಳಿಗೆ ಖಾಸಗಿ ಬಸ್‌ಗಳೇ ಸಂಚಾರ ನಡೆಸುತ್ತಿದ್ದು, ಶೇ. 50 ಪ್ರಯಾಣಿಕರಿಗಷ್ಟೇ ಸಂಚರಿಸಲು ಅವಕಾಶ ಸೇರಿದಂತೆ ಹಲವು ಕಾರಣಗಳಿಂದ ಬಸ್‌ ಮಾಲಕರು ಬಸ್‌ ಓಡಿಸಲು ಮುಂದೆ ಬಂದಿರಲಿಲ್ಲ. ಜತೆಗೆ ಮಧ್ಯಾಹ್ನದವರೆಗೆ ಮಾತ್ರ ಲಾಕ್‌ಡೌನ್‌ ಸಡಿಲಿಕೆ ಇರುವುದರಿಂದಲೂ ಹೆಚ್ಚಿನ ಬಸ್‌ಗಳು ರಸ್ತೆಗಿಳಿಯಲಿಲ್ಲ.
Related Articles
Advertisement
ಉಳಿದಂತೆ ಮಂಗಳೂರು, ಧರ್ಮಸ್ಥಳ, ಪುತ್ತೂರು ಘಟಕಗಳ ಬಸ್‌ಗಳು ಬಿ.ಸಿ.ರೋಡ್‌ನ ಮೂಲಕ ಸಂಚಾರ ನಡೆಸಿವೆ. ಸದ್ಯದ ಪರಿಸ್ಥಿತಿಯಲ್ಲಿ ಗ್ರಾಮೀಣ ಭಾಗಕ್ಕೆ ಯಾವುದೇ ಬಸ್‌ಗಳು ಸಂಚಾರ ನಡೆಸದೇ ಇರುವುದರಿಂದ ಅಲ್ಲಿನ ಜನತೆ ಆಟೋ ರಿಕ್ಷಾ, ಟೆಂಪೋ, ಮ್ಯಾಕ್ಸಿಕ್ಯಾಬ್‌ ಆಶ್ರಯಿಸಿದ್ದಾರೆ.
ಬೆಳ್ತಂಗಡಿಯಲ್ಲೂ ಒಂದೇ ಬಸ್‌ ಸಂಚಾರ:
ಬೆಳ್ತಂಗಡಿ ತಾಲೂಕಿನಲ್ಲಿ ಗುರುವಾರ ಖಾಸಗಿ ಬಸ್‌ ಸಂಚಾರ ನಡೆಸಿದ್ದು, ಉಪ್ಪಿನಂಗಡಿ-ಬೆಳ್ತಂಗಡಿ ನಡುವೆ ಬಸ್‌ ಸಂಚಾರ ನಡೆಸಿದೆ. ಇತರೆ ಯಾವುದೇ ಭಾಗಗಳಿಗೆ ಖಾಸಗಿ ಬಸ್‌ ಸಂಚಾರ ನಡೆಸಿಲ್ಲ. ಕೆಎಸ್‌ಆರ್‌ಟಿಸಿ ಬಸ್‌ಗಳು ಪುತ್ತೂರು, ಮಂಗಳೂರು ಸಹಿತ ಪ್ರಮುಖ ಭಾಗಗಳಿಗೆ ಸಂಚಾರ ನಡೆಸಿದೆ.
102 ಕೆಎಸ್‌ಆರ್‌ಟಿಸಿ ಬಸ್‌ ಓಡಾಟ:
ಪುತ್ತೂರು: ಲಾಕ್‌ಡೌನ್‌ ಸಡಿಲಿಕೆ ಹಿನ್ನೆಲೆಯಲ್ಲಿ ಕೆಎಸ್‌ಆರ್‌ಟಿಸಿ ಬಸ್‌ ಓಡಾಟ ನಡೆಸುತ್ತಿದ್ದು, ಜು.1 ಪುತ್ತೂರು ವಿಭಾಗದ ಐದು ಘಟಕಗಳಲ್ಲಿ 102 ಬಸ್‌ಗಳು ಓಡಾಟ ನಡೆಸಿವೆ. ಬುಧವಾರವು ಬಸ್‌ ಓಡಾಟ ಇದೇ ಸಂಖ್ಯೆಯಲ್ಲಿತ್ತು ಎಂದು ವಿಭಾಗೀಯ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ದ.ಕ.ಜಿಲ್ಲೆಯಾದ್ಯಂತ ಗುರುವಾರದಿಂದ ಖಾಸಗಿ ಬಸ್‌ ಓಡಾಟ ಪ್ರಾರಂಭಿಸಲಾಗಿದ್ದರೂ ಪುತ್ತೂರಿನಲ್ಲಿ ಓಡಾಟ ಕಂಡು ಬರಲಿಲ್ಲ.