ಬೆಂಗಳೂರು: ಬಿಗ್‌ ಬಾಸ್ (Bigg Boss Kannada) ಮನೆಯಲ್ಲಿ ಈ ವಾರ ಯಾರು ಹೊರ ಹೋಗಲಿದ್ದಾರೆ ಎನ್ನುವುದರ ಬಗ್ಗೆ ಕುತೂಹಲ ಹೆಚ್ಚಾಗಿದೆ.
ಈ ವಾರ ಕಿಚ್ಚನ ಅನುಪಸ್ಥಿತಿಯಲ್ಲಿ ಸೃಜನ್‌ ಲೋಕೇಶ್‌ ಅವರು ಎಲಿಮಿನೇಷನ್‌ ಪ್ರಕ್ರಿಯೆಯನ್ನು ನಡೆಸಿಕೊಡಲಿದ್ದಾರೆ.
4ನೇ ವಾರದಲ್ಲಿ ಬಿಗ್‌ ಬಾಸ್ ಮನೆಯಿಂದ ಆಚೆ ಹೋಗಲು ಭವ್ಯ, ಚೈತ್ರ, ಗೌತಮಿ, ಹಂಸ, ಮಂಜು, ಮಾನಸ, ಮೋಕ್ಷಿತಾ, ಶಿಶಿರ್ ಮತ್ತು ಗೋಲ್ಡ್‌ ಸುರೇಶ್ ಈ ವಾರ ಮನೆಯಿಂದ ಹೊರ ಹೋಗಲು ನಾಮಿನೇಟ್ ಆಗಿದ್ದಾರೆ.
ಈ ಮೂಲಗಳ ಪ್ರಕಾರ ಈ ಪೈಕಿ ಭವ್ಯ, ಚೈತ್ರ, ಗೌತಮಿ, ಮೋಕ್ಷಿತಾ, ಶಿಶಿರ್ ಅವರು ಸೇವ್‌ ಆಗಿದ್ದಾರೆ ಎನ್ನಲಾಗಿದ್ದು, ಗೋಲ್ಡ್‌ ಸುರೇಶ್, ಮಾನಸ ಹಾಗೂ ಹಂಸ ಅವರು ಡೇಂಜರ್‌ ಝೋನ್‌ನಲ್ಲಿದ್ದಾರೆ ಎನ್ನಲಾಗಿದೆ.
ಈ ಸಲಿ ಬಿಗ್‌ ಬಾಸ್ ಮನೆಯೊಳಗೆ ಕಾರುಗಳು ಬರಲಿದ್ದು ಅದರಲ್ಲಿ ನಾಮಿನೇಟ್ ಆಗಿರುವ ಸ್ಪರ್ಧಿಗಳನ್ನು ಕೂರಿಸಲಾಗುತ್ತದೆ. ಕಾರುಗಳನ್ನು ಎರಡು ಮೂರು ರೌಂಡ್ ಸುತ್ತಿಸಿ ಕೊನೆಗೆ ಯಾವ ಕಾರು ಮನೆಯ ಹೊರಗೆ ಹೋಗುತ್ತದ್ದೋ ಆ ಸ್ಪರ್ಧಿ ಬಿಗ್‌ ಬಾಸ್ ಮನೆಯಿಂದ ಆಚೆ ಹೋಗಲಿದ್ದಾರೆ ಎನ್ನಲಾಗಿದೆ.
ಮಾನಸ ಅವರು ಬಿಗ್‌ ಬಾಸ್ ಮನೆಯಿಂದ ಆಚೆ ಹೋಗಲಿದ್ದಾರೆ ಎನ್ನುವ ಮಾತು ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಇದೀಗ ಬಂದಿರುವ ಲೇಟೆಸ್ಟ್‌ ಅಪ್ಡೇಟ್‌ ಪ್ರಕಾರ ಹಂಸ ಅವರು ಬಿಗ್‌ ಬಾಸ್ ಮನೆಯಿಂದ ಈ ವಾರ ಆಚೆ ಬರಲಿದ್ದಾರೆ ಎನ್ನಲಾಗುತ್ತಿದೆ.
ಮಾನಸ ಹಾಗೂ ಹಂಸಾ ಇಬ್ಬರನ್ನು ಬಿಗ್‌ ಬಾಸ್ ಮನೆಗೆ ಬರುವ ಕಾರು ಆಚೆ ಕರ್ಕೊಂಡು ಹೋಗ್ತಾರೆ ಎನ್ನಲಾಗುತ್ತಿದ್ದು, ಈ ಪೈಕಿ ಹಂಸ ಅವರನ್ನು ಮತ್ತೆ ವಾಪಾಸ್‌ ಕರೆದುಕೊಂಡು ಬರಲಾಗುತ್ತದೆ ಎನ್ನುವ ಮಾತು ಕೂಡ ಕೇಳಿ ಬರುತ್ತಿದೆ. ಇನ್ನು ಕೆಲವರು ಈ ವಾರ ಡಬಲ್‌ ಎಲಿಮಿನೇಷನ್‌ ಇರುತ್ತದೆ ಎನ್ನುತ್ತಿದ್ದಾರೆ.
ಎಲ್ಲದಕ್ಕೂ ಸ್ಪಷ್ಟನೆ ಸಿಗಬೇಕಾದರೆ ಇಂದು ರಾತ್ರಿಯವರೆಗೂ(ಅ.27ರಂದು) ಕಾಯಲೇಬೇಕು.
