ಬಿಎಟಿಸಿ : ಸಿಂಧು ಗೆಲುವಿನ ಆರಂಭ

ಶಾ ಆಲಂ (ಮಲೇಷ್ಯಾ): ಬ್ಯಾಡ್ಮಿಂಟನ್‌ ಏಷ್ಯಾ ಟೀಮ್‌ ಚಾಂಪಿಯನ್‌ಶಿಪ್‌ (ಬಿಎಟಿಸಿ) ಪಂದ್ಯಾವಳಿಯ “ಡಬ್ಲ್ಯು’ ವಿಭಾಗದ ಪಂದ್ಯದಲ್ಲಿ ಭಾರತ ಅಗ್ರ ಶ್ರೇಯಾಂಕದ ಚೀನವನ್ನು 3-2 ಅಂತರದಿಂದ ಮಣಿಸಿದೆ. ಪುರುಷರ ತಂಡ ಹಾಂಕಾಂಗ್‌ ವಿರುದ್ಧ 4-1 ಅಂತರದ ಜಯ ಸಾಧಿಸಿದೆ.

ಸುದೀರ್ಘ‌ ವಿರಾಮದ ಬಳಿಕ ಮರಳಿದ ಪಿ.ವಿ. ಸಿಂಧು, ಹಾನ್‌ ಯುಇ ಅವರನ್ನು 21-17, 21-15ರಿಂದ ಪರಾಭವಗೊಳಿಸಿದರು. ತನಿಷಾ ಕ್ರಾಸ್ಟೊ-ಅಶ್ವಿ‌ನಿ ಪೊನ್ನಪ್ಪ ಜೋಡಿ ಪರಾಭವಗೊಂಡಿತು. ಅಶ್ಮಿತಾ ಚಲಿಹಾ ಕೂಡ ಗೆಲುವು ಕಾಣಲು ವಿಫ‌ಲರಾದರು. ಆದರೆ ಟ್ರೀಸಾ ಜಾಲಿ-ಗಾಯತ್ರಿ ಗೋಪಿಚಂದ್‌ ಭಾರತವನ್ನು ಗೆಲುವಿನ ಹಳಿಗೆ ಏರಿಸಿದರು. ನಿರ್ಣಾಯಕ ಪಂದ್ಯದಲ್ಲಿ ಅನ್ಮೋಲ್‌ ಖರ್ಬ್ ಅಮೋಘ ಪ್ರದರ್ಶನ ನೀಡಿ ವು ಲೂ ಯು ಅವರನ್ನು ಪರಾಭವಗೊಳಿಸಿದರು.