ಬಾಂಗ್ಲಾದಲ್ಲಿ ಇರಿದು ಪತ್ರಕರ್ತೆ ಹತ್ಯೆ

ಢಾಕಾ: ಬಾಂಗ್ಲಾದೇಶದ ಟಿವಿ ವಾಹಿನಿಯೊಂದರಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಪತ್ರಕರ್ತೆ ಸುಬರ್ಣ ಅಕ್ತರ್‌ ನೋದಿ(32) ಎಂಬವರನ್ನು ಅಪರಿಚಿತ ದುಷ್ಕರ್ಮಿಗಳು ಹರಿತವಾದ ಆಯುಧದಿಂದ ಇರಿದು ಹತ್ಯೆಗೈದಿದ್ದಾರೆ. 10-12 ಜನರ ಗುಂಪು ಈ ಕೃತ್ಯ ಎಸಗಿದೆ.

ವಾಹಿನಿಯಲ್ಲಿ ವೃತ್ತಿ ನಿರ್ವಹಣೆಯ ಜೊತೆಗೆ, ಡೈಲಿ ಜಾಗ್ರೋತೊ ಬಾಂಗ್ಲಾ ಎಂಬ ಪತ್ರಿಕೆಯಲ್ಲೂ ಕೆಲಸ ಮಾಡುತ್ತಿದ್ದರು. ಅವರಿಗೆ 9 ವರ್ಷ ವಯಸ್ಸಿನ ಮಗಳಿದ್ದು, ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು ಎಂದು ಕುಟುಂಬ ಮೂಲಗಳು ಹೇಳಿವೆ. ಇದಕ್ಕೂ ಮೊದಲು ತನ್ನ ಪರಿತ್ಯಕ್ತ ಪತಿ ತನ್ನ ಮೇಲೆ ದಾಳಿಗೆ ಯತ್ನಿಸಿದ್ದಾಗಿ ಆಕೆ ಹೇಳಿದ್ದರು ಎಂದು ಅವರ ತಾಯಿ ತಿಳಿಸಿದ್ದಾರೆ.