Bajpe: ಮರವೂರಿನಲ್ಲಿ ನೀರುಪಾಲಾಗಿದ್ದ ಮತ್ತೋರ್ವ ಯುವಕನ ಮೃತದೇಹ ಪತ್ತೆ

ಬಜಪೆ: ಮಳವೂರು ರೈಲ್ವೇ ಸೇತುವೆಯ ಬಳಿ ಪಾಲ್ಗುಣಿ ನದಿಯ ನೀರಿನಲ್ಲಿ ರವಿವಾರ ಸಂಜೆ ವೇಳೆ ಈಜಾಡಲು ತೆರಳಿದ್ದ ವೇಳೆ ನೀರುಪಾಲಾಗಿದ್ದ ಇನ್ನೊರ್ವ ಯುವಕ ಕೊಟ್ಟಾರ ಚೌಕಿಯ ಸುಮಿತ್‌ (20) ಶವ ಮಂಗಳವಾರ ಬೆಳಗ್ಗೆ ನದಿಯ ನೀರಿನಲ್ಲಿ ಪತ್ತೆಯಾಗಿದೆ.

ಸುಮಿತ್‌ ಶವ ಪತ್ತೆಗಾಗಿ ಸೋಮವಾರ ದಿನವಿಡೀ ಅಗ್ನಿಶಾಮಕ ದಳ, ಎನ್‌ಡಿಆರ್‌ಎಫ್‌, ಎಸ್‌ಡಿಆರ್‌ಎಫ್‌, ಮುಳುಗುತಜ್ಞರು ಆಗಮಿಸಿ ಕಾರ್ಯಾಚರಣೆ ಮಾಡಿತ್ತು. ಮಂಗಳವಾರ ಬೆಳಗ್ಗೆ ಮಳವೂರು ರೈಲ್ವೇ ಸೇತುವೆ ಹಾಗೂ ಮಳವೂರು ಡ್ಯಾಂ ಮಧ್ಯೆ ನೀರಿನಲ್ಲಿ ಶವ ಪತ್ತೆಯಾಗಿದೆ.