ವಾಯುಸೇನೆಯಿಂದ “ಬಹದ್ದೂರ್‌’ಗೆ ವಿದಾಯ

ಕೋಲ್ಕತಾ: “ಬಹದ್ದೂರ್‌’ ಹೆಸರಿನಲ್ಲಿ ದಶಕಗಳಿಂದ ವಾಯುಪಡೆಯ ಸಂಗಾತಿಯಾಗಿದ್ದ ಮಿಗ್‌-27 ಎಂಎಲ್‌ ಮಾದರಿಯ ವಿಮಾನಕ್ಕೆ ವಿದಾಯ ಹೇಳಲಾಗಿದೆ. 

ಹಸೀಮರಾ ವಾಯು ನೆಲೆಯಲ್ಲಿ ಶುಕ್ರವಾರ ಸಂಜೆ ನಡೆದ ಸರಳ ಸಮಾರಂಭದ ವೇಳೆ ತನ್ನ ಕೊನೆಯ ಹಾರಾಟ ನಡೆಸಿದ ಬಹದ್ದೂರ್‌ಗೆ ನಿವೃತ್ತಿ ನೀಡಲಾಯಿತು. 4 ದಶಕ ಸೇವೆ ಸಲ್ಲಿಸಿದ ಹೆಗ್ಗಳಿಕೆ ಈ “ಬಹದ್ದೂರ್‌’ನದ್ದು. 1980ರ ದಶಕದಲ್ಲಿ ವಾಯುಸೇನೆಗೆ ಸೇರ್ಪಡೆಗೊಂಡ ರಷ್ಯಾ ನಿರ್ಮಿತ ಈ ಯುದ್ಧ ವಿಮಾನಕ್ಕೆ ತನ್ನೊಂದಿಗೆ ಬಾಂಬ್‌ಗಳು, ರಾಕೆಟ್‌ಗಳು ಹಾಗೂ ವಿಧ್ವಂಸಕಾರಿ ಶಸ್ತ್ರಾಸ್ತ್ರಗಳನ್ನು ಹೊತ್ತೂಯ್ಯಬಲ್ಲ ಸಾಮರ್ಥ್ಯವಿತ್ತು. ಇವುಗಳನ್ನು ನಿರ್ವಹಿ ಸಲು ಬೇಕಾದ ಕಂಪ್ಯೂಟರ್‌ ತಂತ್ರಜ್ಞಾನವೂ ಇತ್ತು.