ಕೊಪ್ಪಳ ಪೊಲೀಸರು, ನಗರಸಭೆ ಸದಸ್ಯರಿಂದ ಮಾಸ್ಕ್ ಧರಿಸುವ ಜಾಗೃತಿ

ಕೊಪ್ಪಳ: ಕೊಪ್ಪಳ ಪೊಲೀಸರು ಹಾಗೂ ನಗರಸಭೆ ಸದಸ್ಯರಿಂದ ನಗರದಲ್ಲಿ ಜನತೆಗೆ ಮಾಸ್ಕ್ ಧರಿಸುವ ಕುರಿತು ಜಾಗೃತಿ ಮೂಡಿಸಿ ಗಮನ ಸೆಳೆದರು.

ಕೊಪ್ಪಳ ಜಿಲ್ಲೆಯು ಗ್ರೀನ್ ಜೋನ್ ನಲ್ಲಿ ಇರುವುದರಿಂದ ಜನತೆಗೆ ಕೆಲವು ವಿನಾಯತಿ ನೀಡಿದೆ. ಈ ವೇಳೆ ಜನರು ಹೊರಗಡೆ ಸುತ್ತಾಡುತ್ತಿದ್ದು, ಅವರಿಗೆ ಜಾಗೃತಿ ಮೂಡಿಸಲು ನಗರಸಭೆ ಸದಸ್ಯರು, ಅಧಿಕಾರಿ ವರ್ಗ ಹಾಗೂ ಪೊಲೀಸರು ರಸ್ತೆಯುದ್ದಕ್ಕೂ ಫಲಕ ಹಿಡಿದು ಜನರು ಕಡ್ಡಾಯವಾಗಿ ಮಾಸ್ಕ್ ಧರಿಸಿಯೇ ಹೊರಗಡೆ ಬರಬೇಕು.‌ ಕೋವಿಡ್-19 ವಾರಿಯರ್ಸ್ ಮೇಲೆ ದೌರ್ಜನ್ಯ ಮಾಡಬೇಡಿ. ಕೈಗೆ ಸ್ಯಾನಿಟೈಜರ್ ಬಳಕೆ ಮಾಡಬೇಕು ಎಂದು ಜಾಗೃತಿ ಮೂಡಿಸಿದರು.