ಅಮೆರಿಕದಲ್ಲಿ ಮತ್ತೂಮ್ಮೆ ಆವೈಜಾಸಾ

ಮಣಿಪಾಲ: ಕೊಂಕಣಿ ಭಾಷೆಯ ಪ್ರಪ್ರಥಮ ಮಕ್ಕಳ ಚಲನಚಿತ್ರವೆಂಬ ಹೆಗ್ಗಳಿಕೆಗೆ ಪಾತ್ರವಾದ ಆ ವೈ ಜಾ ಸಾ ಆ. 5ರಂದು ಅಮೆರಿಕದ ಬೇ ಏರಿಯಾದಲ್ಲಿರುವ ಕುಪರ್ಟಿನೊದ ರಾನ್ಕೋರಿನಕೊಂಡಾ ಸಭಾಂಗಣದಲ್ಲಿ ಸಂಜೆ 3 ಗಂಟೆಗೆ ಪ್ರದರ್ಶನಗೊಳ್ಳಲಿದೆ ಎಂದು ಕೆಎಒಸಿಎ (ಕೊಂಕಣಿ ಅಸೋಸಿಯೇಶನ್‌ ಆಫ್ ಕ್ಯಾಲಿ ಫೋರ್ನಿಯಾ)ದ ಅಧ್ಯಕ್ಷ ರಮೇಶ್‌ ಕಾಮತ್‌ ತಿಳಿಸಿ¨ªಾರೆ.

ಉತ್ತಮ ಸಮಾಜದ ನಿರ್ಮಾಣಕ್ಕೆ ಆಧ್ಯಾತ್ಮಿಕ, ವೈಜ್ಞಾನಿಕ, ಜಾತ್ಯತೀತ ಮತ್ತು ಸಾಮಾಜಿಕ ಗುಣಗಳನ್ನು ರೂಢಿಸಿಕೊಳ್ಳಬೇಕೆಂಬ ತಣ್ತೀ ಸಾರುವ ಚಲನಚಿತ್ರ ಆ ವೈ ಜಾ ಸಾ. ಈ ಚಲನಚಿತ್ರವನ್ನು ಪುಣೆ ಫಿಲ್ಮ್ ಇನ್‌ಸ್ಟಿಟ್ಯೂಟ್‌ ಪದವಿಧರರಾದ ಡಾ| ರಮೇಶ್‌ ಕಾಮತ್‌ ನಿರ್ದೇಶಿಸಿ¨ªಾರೆ. ಇದು ಇವರ ಎರಡನೇ ಕೊಂಕಣಿ ಚಲನಚಿತ್ರ. ಆವೈಜಾಸಾ ಸಂಪೂರ್ಣವಾಗಿ ಉಡುಪಿಯ ಸುತ್ತಮುತ್ತ ಚಿತ್ರೀಕರಣಗೊಂಡಿದ್ದು, ನಲುವತ್ತಕ್ಕೂ ಹೆಚ್ಚು ಮಕ್ಕಳು ಈ ಚಿತ್ರದಲ್ಲಿ ಪಾಲ್ಗೊಂಡಿ¨ªಾರೆ. ಅಮೆರಿಕದ ಅಟ್ಲಾಂಟಾದಲ್ಲಿ ನಡೆದ ಬೃಹತ್‌ ಕೊಂಕಣಿ ಸಮ್ಮೇಳನ 2016ರಲ್ಲಿ ಈ ಚಲನಚಿತ್ರ ಉದ್ಘಾಟನಾ ಪ್ರದರ್ಶನ ಕಂಡು ದಾಖಲೆ ಸ್ಥಾಪಿಸಿತ್ತು. ಆವೈಜಾಸಾ ಹಲವಾರು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಗಳಿಗೆ ಆಯ್ಕೆಯಾಗಿ ಪ್ರದರ್ಶನಗೊಂಡಿದ್ದು, ನಾರ್ತ್‌ ಅಮೆರಿಕದ ಹೆಡ್‌ಲೈನ್‌ ಇಂಟರ್‌ನ್ಯಾಷನಲ್‌ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಅವಾರ್ಡ್‌ ಆಫ್ ಎಕ್ಸಲೆನ್ಸ್‌  ಪ್ರಶಸ್ತಿಗಳಿಸಿದೆ.