ಅಳಿವಿನಂಚಿನಲ್ಲಿ ಪ್ಲಾಟಿಪಸ್‌ ಪ್ರಾಣಿ ಸಂಕುಲ

ಮೆಲ್ಬೊರ್ನ್: ಆಸ್ಟ್ರೇಲಿಯಾವನ್ನೇ ಸುಡುತ್ತಿರುವ ಕಾಡ್ಗಿಚ್ಚಿನಿಂದಾಗಿ ಮತ್ತು ಅದರಿಂದ ಉಂಟಾಗಿರುವ ಪ್ರತಿಕೂಲ ಹವಾಮಾನದಿಂದಾಗಿ ಅಲ್ಲಿನ ಐತಿಹಾಸಿಕ ಪ್ಲಾಟಿಪಸ್‌ (platypus) ಎಂಬ ಪ್ರಾಣಿ ಸಂಕುಲ ಅಪಾಯದ ಅಂಚಿನಲ್ಲಿದೆ.

ಪೂರ್ವ ಆಸ್ಟ್ರೇಲಿಯಾ ಮತ್ತು ಟಾಸ್ಮೇನಿಯಾದಲ್ಲಿ ಹೇರಳವಾಗಿ ಅವುಗಳು ವಾಸಿಸುತ್ತಿದ್ದವು. ಅವುಗಳಿಗೆ ಪೂರಕವಾಗಿರುವ ಪ್ರಾಕೃತಿಕ ವಾತಾವರಣಗಳೂ ಇದ್ದವು. ಆದರೆ ಕಾಡ್ಗಿಚ್ಚು ವ್ಯಾಪಕವಾಗಿ ಕಾಣಿಸಿಕೊಂಡ ಕಾರಣ ಪ್ಲಾಟಿಪಸ್‌ನ ಸಂತತಿ ಗಣನೀಯವಾಗಿ ನಶಿಸಿ ಹೋಗಿದೆ ಎಂದು ನ್ಯೂ ಸೌತ್‌ ವೇಲ್ಸ್‌ ವಿವಿಯ ಸಂಶೋಧಕರು ನಡೆಸಿದ ಅಧ್ಯಯನದಿಂದ ಗೊತ್ತಾಗಿದೆ. ಹೀಗಾಗಿ ಅವುಗಳ ಸಂತತಿ ರಕ್ಷಿಸುವ ಕೆಲಸಗಳು ನಡೆಯಬೇಕಾಗಿದೆ ಎಂದು ಅವರು ಹೇಳಿಕೊಂಡಿದ್ದಾರೆ.