Australia vs Pakistan T20: ಪಾಕ್‌ ವಿರುದ್ಧ ಆಸೀಸ್‌ಗೆ 2-0 ಸರಣಿ ಜಯ

ಸಿಡ್ನಿ: ದ್ವಿತೀಯ ಟಿ20 ಪಂದ್ಯದಲ್ಲಿ ಪಾಕಿಸ್ತಾನವನ್ನು 13 ರನ್ನುಗಳಿಂದ ಮಣಿಸಿದ ಆಸ್ಟ್ರೇಲಿಯಾ ಸರಣಿ ವಶಪಡಿಸಿಕೊಂಡಿದೆ. ಏಕದಿನದಲ್ಲಿ ಅನುಭವಿಸಿದ 2-1 ಅಂತರದ ಸೋಲಿಗೆ ಸೇಡು ತೀರಿಸಿಕೊಂಡಿದೆ.

ಆಸ್ಟ್ರೇಲಿಯಾ 9 ವಿಕೆಟಿಗೆ 147 ರನ್‌ ಮಾಡಿದರೆ, ಪಾಕಿಸ್ತಾನ 19.4 ಓವರ್‌ಗಳಲ್ಲಿ 134ಕ್ಕೆ ಕುಸಿಯಿತು. ವೇಗಿ ಸ್ಪೆನ್ಸರ್‌ ಜಾನ್ಸನ್‌ 26 ರನ್ನಿಗೆ 5 ವಿಕೆಟ್‌ ಉಡಾಯಿಸಿ ಆಸೀಸ್‌ ಗೆಲುವಿನ ರೂವಾರಿಯೆನಿಸಿದರು. 7 ಓವರ್‌ಗಳ ಮೊದಲ ಪಂದ್ಯವನ್ನು ಆಸ್ಟ್ರೇಲಿಯಾ 29 ರನ್ನುಗಳಿಂದ ಜಯಿಸಿತ್ತು. 3ನೇ ಹಾಗೂ ಅಂತಿಮ ಪಂದ್ಯ ಸೋಮವಾರ ಹೋಬರ್ಟ್‌ನಲ್ಲಿ ನಡೆಯಲಿದೆ. ಆಸ್ಟ್ರೇಲಿಯಾ ಪರ ಆರಂಭಕಾರ ಮ್ಯಾಥ್ಯೂ ಶಾರ್ಟ್‌ 32, ಪಾಕ್‌ ಪರ ಉಸ್ಮಾನ್‌ ಖಾನ್‌ 52 ರನ್‌ ಹೊಡೆದರು. 4 ಕ್ಯಾಚ್‌ಗಳನ್ನು ಕೈಚೆಲ್ಲಿದ್ದು ಪಾಕ್‌ಗೆ ಹಿನ್ನಡೆಯಾಗಿ ಪರಿಣಮಿಸಿತು.

ಸಂಕ್ಷಿಪ್ತ ಸ್ಕೋರ್‌: ಆಸ್ಟ್ರೇಲಿಯಾ 20 ಓವರ್‌, 147/9 (ಶಾರ್ಟ್‌ 32, ಹಾರ್ಡಿ 28, ರೌಫ್ 22ಕ್ಕೆ 4, ಅಬ್ಟಾಸ್‌ ಅಫ್ರಿದಿ 17ಕ್ಕೆ 3). ಪಾಕಿಸ್ತಾನ 19.4 ಓವರ್‌, 134 (ಉಸ್ಮಾನ್‌ ಖಾನ್‌ 52, ಇರ್ಫಾನ್‌ ಖಾನ್‌ 37, ಜಾನ್ಸನ್‌ 26ಕ್ಕೆ 5).