Atlee Kumar; ಸಲ್ಮಾನ್‌ ಖಾನ್‌ ಜತೆಗೆ ಅಟ್ಲಿ ಸಿನಿಮಾ

ಶಾರುಖ್‌ ಖಾನ್‌ ನಟನೆಯ “ಜವಾನ್‌’ ಚಿತ್ರ ನಿರ್ದೇಶಿಸಿದ್ದ ಕಾಲಿವುಡ್‌ ನ‌ ನಿರ್ದೇಶಕ ಅಟ್ಲಿ ಕುಮಾರ್‌ ಈಗ ತಮ್ಮ ಆರನೇ ಸಿನಿಮಾ ಮಾಡುವುದಾಗಿ ಘೋಷಿಸಿದ್ದಾರೆ. ಅದು ಬಾಲಿವುಡ್‌ನ‌ ಸಲ್ಮಾನ್‌ ಖಾನ್‌ ಅವರ ಜೊತೆ.

ಸದ್ಯ ಈ ಚಿತ್ರಕ್ಕೆ “ಎ6′ ಎಂದು ಹೆಸರಿಡಲಾಗಿದೆ. “ಎ6 ಸಿನಿಮಾಗೆ ಸಾಕಷ್ಟು ಸಮಯ ಹಾಗೂ ಶ್ರಮದ ಅಗತ್ಯವಿದೆ. ಸದ್ಯ ನಾವು ಸ್ಕ್ರಿಪ್ಟ್‌ ನ ಪೂರ್ಣಗೊಳಿಸುವ ಹಂತದಲ್ಲಿದ್ದೇವೆ. ದೇವರ ಆಶೀರ್ವಾದದಿಂದ ಶೀಘ್ರ ದೊಡ್ಡ ಘೋಷಣೆ ಮಾಡಲಿದ್ದೇವೆ. ಚಿತ್ರದಲ್ಲಿ ಸಲ್ಮಾನ್‌ ಖಾನ್‌ ನಟಿಸುತ್ತಾರೆ ಎಂಬ ನಿಮ್ಮ ಊಹೆ ನಿಜ. ಇಡೀ ಭಾರತ ಹೆಮ್ಮೆಪಡುವ ಸಿನಿಮಾ ಇದಾಗಲಿದೆ. ಚಿತ್ರದ ಪಾತ್ರವರ್ಗ ನಿಮಗೆ ಆಶ್ಚರ್ಯ ಮೂಡಿಸಲಿದೆ. ಕೆಲವೇ ವಾರಗಳಲ್ಲಿ ಎಲ್ಲವೂ ಅಂತಿಮವಾಗಲಿದೆ’ ಎಂದು ನಿರ್ದೇಶಕ ಅಟ್ಲಿ ಹೇಳಿಕೊಂಡಿದ್ದಾರೆ.

ಸಲ್ಮಾನ್‌ ಖಾನ್‌ ಅವರ ಜೊತೆ ರಜನಿಕಾಂತ್‌ ಅಥವಾ ಕಮಲ್‌ ಹಾಸನ್‌ ಅವರು ನಟಿಸುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.