Asian TT: ಭಾರತ ಪುರುಷರಿಗೂ ಕಂಚು

ಹೊಸದಿಲ್ಲಿ: ಕಜಕ್‌ಸ್ಥಾನದ ಅಸ್ತಾನಾದಲ್ಲಿ ನಡೆದ ಏಷ್ಯನ್‌ ಟೇಬಲ್‌ ಟೆನಿಸ್‌ ಚಾಂಪಿಯನ್‌ಶಿಪ್‌ನ ಸೆಮಿಫೈನಲ್‌ನಲ್ಲಿ ಭಾರತೀಯ ಪುರುಷರು ಚೈನೀಸ್‌ ತೈಪೆ ವಿರುದ್ಧ ಸೋಲುವುದರೊಂದಿಗೆ ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಂಡರು.

ಈ ಮೊದಲು ಭಾರತೀಯ ವನಿತೆಯರು ಕೂಡ ಸೆಮಿಫೈನಲ್‌ನಲ್ಲಿ ಜಪಾನ್‌ ವಿರುದ್ಧ ಎಡವಿ ಕಂಚಿನ ಪದಕ ಗೆದ್ದುಕೊಂಡಿತು. ಆದರೆ 1972ರಲ್ಲಿ ಈ ಸ್ಪರ್ಧೆ ಆರಂಭವಾದ ಬಳಿಕ ವನಿತೆಯರು ಪದಕ ಗೆದ್ದಿರುವುದು ಇದೇ ಮೊದಲ ಸಲವಾಗಿದೆ.

ಅನುಭವಿ ಅಚಂತಾ ಶರತ್‌ ಕಮಲ್‌ ಸಹಿತ ಭಾರತೀಯರು ಚೈನೀಸ್‌ ತೈಪೆಯ ಆಟಗಾರ ಹೊಡೆತಕ್ಕೆ ಉತ್ತರಿಸಲು ಅಸಮರ್ಥರಾಗಿ ಶರಣಾದರು.