Chennai: ಗರ್ಲ್‌ಫ್ರೆಂಡ್‌ ಕೊಂದು ಸ್ಟೇಟಸ್‌ ಹಾಕಿದ ಯುವ ಕಿಡಿಗೇಡಿಯ ಬಂಧನ

ಚೆನ್ನೈ: ಸ್ನೇಹಿತೆಯನ್ನು ಹತ್ಯೆ ಮಾಡಿ, ಮೃತದೇಹದ ದೃಶ್ಯವನ್ನು ವಾಟ್ಸ್‌ಆ್ಯಪ್‌ ಸ್ಟೇಟಸ್‌ ಹಾಕಿಕೊಂಡ ಕಿಡಿಗೇಡಿಯನ್ನು ಚೆನ್ನೈ ಪೊಲೀಸರು ಬಂಧಿಸಿದ್ದಾರೆ. ಕೃತ್ಯವೆಸಗಿದಾತನನ್ನು ಆಶಿಕ್‌ ಎಂದು ಗುರುತಿಸ ಲಾಗಿದೆ. ಅಸುನೀಗಿದಾಕೆ ಕಾಲೇಜೊಂದರಲ್ಲಿ ನರ್ಸಿಂಗ್‌ ಅಧ್ಯಯನ ಮಾಡುತ್ತಿದ್ದಳು. ಐದು ವರ್ಷಗಳಿಂದ ಅವರಿಬ್ಬರು ಸ್ನೇಹಿತರಾಗಿದ್ದರು. ಮೂರು ದಿನಗಳಿಂದ ಯುವತಿ ತರಗತಿಗೆ ಹಾಜರಾಗದೇ ಇದ್ದದ್ದು ಆಕೆಯ ಗೆಳತಿಯರಲ್ಲಿ ಸಂಶಯಕ್ಕೆ ಕಾರಣವಾಯಿತು. ಈ ಬಗ್ಗೆ ಆಶಿಕ್‌ ಬಳಿ ವಿಚಾರಿಸಿದ್ದರು.

ಒಂದು ಹಂತದಲ್ಲಿ ಆಶಿಕ್‌ನ ವಾಟ್ಸ್‌ಆ್ಯಪ್‌ ಸ್ಟೇಟಸ್‌ ಕಂಡಾಗ ಗೆಳತಿಯರು ಹೌಹಾರಿದರು. ಅದರ ಆಧಾರದ ಹಿನ್ನೆಲೆಯಲ್ಲಿ ಪೊಲೀಸರು ವಿಚಾರಣೆ ನಡೆಸಿದಾಗ ಚೆನ್ನೈಯ ಹೊಟೇಲ್‌ನಲ್ಲಿ ರೂಂನಲ್ಲಿ ಇದ್ದ ವೇಳೆ ಕೊಂದ ಬಗ್ಗೆಯೂ ಆಶಿಕ್‌ ವಿವರಿಸಿದ್ದಾನೆ. ಪೊಲೀಸರು ಹೇಳುವಂತೆ ಆಶಿಕ್‌ಗೆ ಮತ್ತೂಬ್ಬಳ ಜತೆಗೆ ಸಂಬಂಧವಿತ್ತು. ಈ ವಿಚಾರಕ್ಕೆ ಜಗಳ ಉಂಟಾಗಿ ಟಿಶರ್ಟ್‌ನಿಂದ ಕತ್ತು ಹಿಸುಕಿ ಯುವತಿಯನ್ನು ಕೊಂದೆ ಎಂದು ತಪ್ಪೊಪ್ಪಿಕೊಂಡಿ ದ್ದಾನೆ. ಅಸುನೀಗಿದ ಯುವತಿ ಜತೆಗಿನ ಸಂಬಂಧದಿಂದ ಮಗುವೊಂದು ಜನಿಸಿತ್ತು ಮತ್ತು ಅದನ್ನು ದತ್ತು ಸ್ವೀಕಾರಕ್ಕೆ ನೀಡಿದ್ದರು ಎನ್ನಲಾಗಿದೆ.