ಸಾಫ್ಟ್ವೇರ್‌ನಲ್ಲಿ ಬದಲಾವಣೆ : ಗ್ರಾಹಕ ಪರಿಹಾರಕ್ಕೆ ಆ್ಯಪಲ್‌ ಒಪ್ಪಿಗೆ

ಸ್ಯಾನ್‌ ಫ್ರಾನ್ಸಿಸ್ಕೋ: ಸಾಫ್ಟ್ವೇರ್‌ನಲ್ಲಿ ಬದಲಾವಣೆ ಮಾಡಿರುವ ಆರೋಪಕ್ಕೆ ಗುರಿಯಾಗಿರುವ ಆ್ಯಪಲ್‌ ಸಂಸ್ಥೆ 3, 634.87 ಕೋಟಿ ರೂ. (500 ಮಿಲಿಯ ಡಾಲರ್‌) ಪರಿಹಾರ ನೀಡಲು ಒಪ್ಪಿಕೊಂಡಿದೆ. ಈ ಬಗ್ಗೆ ಮುಂದಿನ ತಿಂಗಳು ಕ್ಯಾಲಿಫೋರ್ನಿಯಾ ಕೋರ್ಟ್‌ನಲ್ಲಿ ನಡೆವ ವಿಚಾರಣೆ ವೇಳೆ ಅಂತಿಮಗೊಳಿಸಲಾಗುತ್ತದೆ.

ಹೊಸ ಐಫೋನ್‌ಗಳನ್ನು ಸಾರ್ವಜನಿಕರು ಖರೀದಿಸಲು ಹಳೆಯ ಐಫೋನ್‌ಗಳ ಬ್ಯಾಟರಿಗಳ ಕಾರ್ಯಕ್ಷಮತೆ ಕಡಿಮೆಯಾಗುವಂತೆ ಮಾಡಲು ಸಾಫ್ಟ್ವೇರ್‌ನಲ್ಲಿ ಬದಲು ಮಾಡಿದೆ ಎಂಬ ಆರೋಪಕ್ಕೆ ಆ್ಯಪಲ್‌ ಗುರಿಯಾಗಿತ್ತು.

2017ರ ಡಿಸೆಂಬರ್‌ನಲ್ಲಿ ಈ ಅಂಶವನ್ನು ಕಂಪೆನಿಯೇ ಒಪ್ಪಿಕೊಂಡಿತ್ತು. ಪರಿಹಾರವನ್ನು ವಕೀಲರಿಗೆ ಮತ್ತು ಅಮೆರಿಕದಲ್ಲಿರುವ ಐಫೋನ್‌ ಬಳಕೆದಾರರಿಗೆ ನೀಡುವ ಬಗ್ಗೆ ಕೋರ್ಟ್‌ ಸಲಹೆ ಮಾಡಿದೆ.