ಅನುಷ್ಕಾ ಶೆಟ್ಟಿ ಒಂದು ಕಾಲದಲ್ಲಿ ತೆಲುಗು ಚಿತ್ರರಂಗವನ್ನೇ ಆಳಿದ ನಟಿ. ಆ ಸಮಯದಲ್ಲಿ ನಿರ್ಮಾಪಕರು ಅನುಷ್ಕಾ ಡೇಟ್ಸ್ ಪಡೆಯಲು ಕಾದು ಕುಳಿತಿದ್ದರು. ಆದ್ರೆ ಬಾಹುಬಲಿ ಸಿನಿಮಾ ನಂತರ ನಟಿಯ ವರ್ಚಸ್ಸು ಒಂಚೂರು ಕುಂದಿತು ಅಂದ್ರೆ ತಪ್ಪಾಗಲ್ಲ. ಬಾಹುಬಲಿ ತರುವಾಯ ಬಂದ ಅನುಷ್ಕಾ ಸಿನಿಮಾಗಳು ಚಿತ್ರಮಂದಿರಗಳಲ್ಲಿ ಹೆಚ್ಚು ಕಾಲ ನಿಲ್ಲಲೇ ಇಲ್ಲ.
ನಟಿ ಅನುಷ್ಕಾ ಶೆಟ್ಟಿ ಬಾಹುಬಲಿ ಸಿನಿಮಾದ ಬಳಿಕ ಏಕೋ ಮಂಕಾಗಿಬಿಟ್ಟರು. ಮೊದಲ ‘ಬಾಹುಬಲಿ’ ಬಿಡುಗಡೆ ಬಳಿಕ ‘ಭಾಗಮತಿ’ ಹೆಸರಿನ ಸಿನಿಮಾ ಮಾಡಿದರು. ಸಿನಿಮಾ ಭಾರಿ ಬಜೆಟ್‌ನಲ್ಲಿತ್ತು, ಅಲ್ಲು ಅರ್ಜುನ್ ಸಹ ಅತಿಥಿ ಪಾತ್ರದಲ್ಲಿದ್ದರು. ಆದರೆ ಸಿನಿಮಾ ಓಡಲಿಲ್ಲ. ನಂತರ ‘ಬಾಹುಬಲಿ 2’ ಬಿಡುಗಡೆ ಆಗಿ ಸೂಪರ್ ಹಿಟ್ ಆಯ್ತು. ಅದಾದ ಬಳಿಕ ಅನುಷ್ಕಾ ನಟಿಸಿದ ‘ನಿಶ್ಯಬ್ದಂ’ ಅಮೆಜಾನ್‌ನಲ್ಲಿ ಬಿಡುಗಡೆ ಆಯ್ತು ಆದರೆ ಹಿಟ್ ಆಗಲಿಲ್ಲ ಇದಾದ ಮೇಲೆ ಅನುಷ್ಕಾ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳಲೇ ಇಲ್ಲ.
ಇನ್ನು ಅನುಷ್ಕಾ ಮಾಂತ್ರಕ ಶಕ್ತಿಗಳ ಪಾತ್ರದಲ್ಲಿ ತುಂಬಾ ಚೆನ್ನಾಗಿ ನಟಿಸುತ್ತಾರೆ. ನಾಗವಲ್ಲಿ ಚಿತ್ರದಲ್ಲಿ ಒಳ್ಳೆಯ ಅಭಿನಯ ಮಾಡಿದ್ದು. ಇದೀಗ ಮತ್ತೊಂದು ಅಂತಹದ್ದೇ ಸಿನಿಮಾ ಕಡೆ ವಾಲಿದ್ದಾರೆ. ರಾಘವ ಲಾರೆನ್ಸ್‌ ನಿರ್ದೇಶನ ಮಾಡುತ್ತಿರುವ ನಾಗವಲ್ಲಿ ಆಧಾರಿತ ಚಿತ್ರದಲ್ಲಿ ಅನುಷ್ಕಾ ನಟಿಸುತ್ತಿದ್ದಾರೆ. ದೆವ್ವ-ಭೂತಗಳ ಆಧಾರಿತ ಸಿನಿಮಾ ಮಾಡುವುದರಲ್ಲಿ ರಾಘವ ಲಾರೆನ್ಸ್‌ ಹೆಸರು ಮಾಡಿದ್ದಾರೆ.
ಇನ್ನು ಅನುಷ್ಕಾ ಶೆಟ್ಟಿ ಈ ಸಿನಿಮಾಕ್ಕಾಗಿ ತಮ್ಮ ದೇಹ ವಿನ್ಯಾಸವನ್ನು ಒಂದಷ್ಟು ಬದಲಾಯಿಸಿಕೊಳ್ಳಬೇಕು ಎಂದು ನಿರ್ದೇಶಕ ರಾಘವ ಲಾರೆನ್ಸ್‌ ತಿಳಿಸಿದ್ದಾರಂತೆ. ಪಾತ್ರ ಹೇಗಿರುತ್ತೆ, ಸಿನಿಮಾ ಟೈಟಲ್ ಏನು ಎಂಬುದರ ಬಗ್ಗೆ ಮಾಹಿತಿ ಇನ್ನಷ್ಟೇ ಹೊರ ಬರಬೇಕಿದೆ.
