Prajwal Devaraj; ಶಿವರಾತ್ರಿಗೆ ʼರಾಕ್ಷಸʼ ಅಬ್ಬರ

ಪ್ರಜ್ವಲ್‌ ದೇವರಾಜ್‌ ವಿಭಿನ್ನ ಅವತಾರದಲ್ಲಿ ನಟಿಸಿರುವ ರಾಕ್ಷಸ ಚಿತ್ರ ತೆರೆಗೆ ಬರಲು ಸಿದ್ಧವಾಗಿದೆ. ಚಿತ್ರ ಶಿವರಾತ್ರಿ ದಿನ ಅಬ್ಬರಿಸಲಿದೆ. ಹೌದು, ಟೈಮ್‌ ಲೂಪ್‌ ಕಾನ್ಸೆಪ್ಟ್ನಡಿ ತಯಾರಾಗಿರುವ ಈ ಚಿತ್ರ ಫೆ.26ರಂದು ಬಿಡುಗಡೆಯಾಗುತ್ತಿದೆ.

ಲೋಹಿತ್‌ ಈ ಚಿತ್ರದ ನಿರ್ದೇಶಕರು. ರಾಕ್ಷಸ ಸಿನಿಮಾದ 80ರಷ್ಟು ಶೂಟಿಂಗ್‌ ರಾಮೋಜಿ ಫಿಲ್ಮಂ ಸಿಟಿಯಲ್ಲಿ ನಡೆದಿರುವುದು ವಿಶೇಷ. ರಾಮೇಶ್ವರಂ, ಗೋವಾ, ಬೆಂಗಳೂರಿನಲ್ಲಿ ಉಳಿದ ಭಾಗದ ಚಿತ್ರೀಕರಣ ನಡೆಸಲಾಗಿದೆ. ದೀಪು ಬಿ.ಎಸ್‌ ನಿರ್ಮಾಣ ಮಾಡುತ್ತಿದ್ದು, ನವೀನ್‌ ಹಾಗೂ ಮಾನಸ ಕೆ ಸಹ ನಿರ್ಮಾಣ ಮಾಡಿದ್ದಾರೆ.

ಜೇಬಿನ್‌ ಪಿ ಜೋಕಬ್‌ ಛಾಯಾಗ್ರಹಣ, ವಿನೋದ್‌ ಸಾಹಸ ನಿರ್ದೇಶನ, ವರುಣ್‌ ಉನ್ನಿ ಸಂಗೀತ ನಿರ್ದೇಶಕ, ಅವಿನಾಶ್‌ ಬಸುತ್ಕರ್‌ ಹಿನ್ನಲೆ ಸಂಗೀತ, ರವಿಚಂದ್ರನ್‌ ಸಿ ಸಂಕಲನ ರಾಕ್ಷಸ ಸಿನಿಮಾಕ್ಕಿದೆ.