ಅಮೂಲ್‌, ಮದರ್‌ ಡೈರಿ ಹಾಲಿನ ಬೆಲೆ ಏರಿಕೆ; ಲೀಟರ್ ಗೆ 2 ರೂ.ಹೆಚ್ಚಳ

ಹೊಸದಿಲ್ಲಿ: ಅಮೂಲ್‌ ಸಂಸ್ಥೆಯು ತನ್ನ ಗೋಲ್ಡ್‌ ಹಾಲು ಹಾಗೂ ಎಮ್ಮೆಯ ಹಾಲಿನ ಬೆಲೆಯನ್ನು ಲೀಟರ್‌ಗೆ 2 ರೂ. ಏರಿಕೆ ಮಾಡಿದೆ.

ಗುಜರಾತ್‌ ಹೊರತುಪಡಿಸಿ ಬೇರೆಲ್ಲ ಸ್ಥಳಗಳಿಗೆ ಈ ಬೆಲೆ ಏರಿಕೆ ಅನ್ವಯವಾಗಲಿದೆ ಎಂದು ಗುಜರಾತ್‌ ಸಹಕಾರಿ ಹಾಲು ಉತ್ಪಾದಕರ ಒಕ್ಕೂಟ ತಿಳಿಸಿದೆ.

ಇದೇ ವೇಳೆ, ಮದರ್‌ ಡೈರಿ ಸಂಸ್ಥೆಯು ತನ್ನ ಫುಲ್ ಕ್ರೀಂ ಹಾಲು ಹಾಗೂ ಹಸುವಿನ ಹಾಲಿನ ಬೆಲೆಯನ್ನು ಲೀಟರ್‌ಗೆ 2 ರೂ. ಏರಿಸಿರುವುದಾಗಿ ಘೋಷಿಸಿದೆ.

ಇದರಿಂದಾಗಿ ಫುಲ್ ಕ್ರೀಂ ಹಾಲಿನ ದರ ಲೀಟರ್‌ಗೆ 63 ರೂ. ಹಾಗೂ ಹಸುವಿನ ಹಾಲಿನ ಬೆಲೆ ಲೀಟರ್‌ಗೆ 55 ರೂ. ಆಗಲಿದೆ.