ಜಬಲ್‌ಪುರದಲ್ಲಿ ತಪ್ಪಿದ ಭಾರಿ ಅನಾಹುತ: ರನ್ ವೇಯಿಂದ ಜಾರಿದ ವಿಮಾನ

ಜಬಲ್‌ಪುರ : ಅಲಯನ್ಸ್ ಏರ್ ಎಟಿಆರ್-72 ವಿಮಾನವು ಶನಿವಾರ ಮಧ್ಯಾಹ್ನ ನಿಲ್ದಾಣದಲ್ಲಿ ಇಳಿಯುವಾಗ ರನ್‌ವೇ ಯಿಂದ ಜಾರಿದ್ದು, ಅದೃಷ್ಟವಷಾತ್ ಭಾರಿ ಅವಘಡವೊಂದು ತಪ್ಪಿ ಹೋಗಿದೆ.

ವಿಮಾನವು ದೆಹಲಿಯಿಂದ ಸುಮಾರು 55 ಪ್ರಯಾಣಿಕರನ್ನು ಹೊತ್ತು ಮಧ್ಯಪ್ರದೇಶದ ಜಬಲ್ಪುರದಲ್ಲಿ ಇಳಿಯುವ ವೇಳೆ ಅವಘಡ ನಡೆದಿದೆ.

ಎಲ್ಲಾ ಪ್ರಯಾಣಿಕರು ಸುರಕ್ಷಿತವಾಗಿದ್ದಾರೆ ಎಂದು ವಿಮಾನಯಾನ ಮೂಲಗಳು ತಿಳಿಸಿವೆ. ವಿಮಾನವು ದೆಹಲಿಯಿಂದ ಬೆಳಿಗ್ಗೆ 11.32 ಕ್ಕೆ ಹೊರಟಿತ್ತು. ಅಪಘಾತದ ಕುರಿತು ತನಿಖೆಗಾಗಿ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯದ ಅಧಿಕಾರಿಗಳು ಸ್ಥಳಕ್ಕೆ ತಲುಪಲಿದ್ದಾರೆ.