ಸುಳ್ಳು ಸುದ್ದಿಗಳ ಬಗ್ಗೆ ಸ್ಪಷ್ಟನೆ ಕೊಟ್ಟ ನಟ ಅಕ್ಷಯ ಕುಮಾರ್

ಕೋವಿಡ್‌ 19 ಲಾಕ್ ಡೌನ್ ಮಧ್ಯೆ ನಟ ಅಕ್ಷಯ್ ಕುಮಾರ್ ತನ್ನ ಸಹೋದರಿ ಅಲ್ಕಾ ಬಾಟಿಯಾ ಮತ್ತು ಆಕೆಯ ಮಗುವಿಗಾಗಿ ಸ್ಪೆಷಲ್ ಚಾರ್ಟರ್ ವಿಮಾನವೊಂದನ್ನು ಬುಕ್ ಮಾಡಿದ್ದಾರೆ ಎನ್ನುವ ಸುದ್ದಿ ಸೋಶಿಯಲ್ ಮೀಡಿಯಾಗಳಲ್ಲಿ ಹರಿದಾಡುತಿತ್ತು.

ಆದರೆ ಇದನ್ನು ನಿರಾಕರಿಸಿರುವ ಅಕ್ಷಯ್ ಕುಮಾರ್, ಈ ಬಗ್ಗೆ ಟ್ವೀಟ್ ಮಾಡುವ ಮೂಲಕ ಇವೆಲ್ಲಾ ಸುಳ್ಳು ವರದಿಗಳು, ತಾವು ಸಹೋದರಿ ಹಾಗೂ ಆಕೆಯ ಮಗುವಿಗಾಗಿ ಯಾವುದೇ ರೀತಿಯ ವಿಮಾನವನ್ನು ಕಾಯ್ದಿರಿಸಿರಲಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಅಲ್ಲದೆ ತನ್ನ ಬಗ್ಗೆ ಇಲ್ಲ ಸಲ್ಲದ ಸುಳ್ಳು ಸುದ್ದಿಗಳನ್ನು ಹಬ್ಬಿಸುವವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಎಚ್ಚರಿಕೆಯನ್ನೂ ನೀಡಿದ್ದಾರೆ.

ಲಾಕ್ ಡೌನ್ ಜಾರಿಯಾದ ನಂತರ ತಮ್ಮ ತಂಗಿ ಎಲ್ಲಿಯೂ ಪ್ರವಾಸ ಮಾಡಿಲ್ಲ. ಅಲ್ಲದೆ ಆಕೆಗೆ ಕೇವಲ ಒಂದು ಮಗುವಿಗೆ ಆದರೆ, ಆಕೆಗೆ ಎರಡು ಮಗು ಇರುವುದಾಗಿ ವರದಿ ಮಾಡಲಾಗಿದೆ ಎಂದು ಅಕ್ಷಯ್ ಕುಮಾರ್ ಟ್ವೀಟ್ ಮಾಡಿದ್ದಾರೆ.