ಕೃಷಿ ಚಟುವಟಿಕೆ ಚುರುಕು

ಸಾಂಬ್ರಾ: ಮುಂಗಾರಿನ ಒಂದು ಮಳೆಗೆ ಬೆಳಗಾವಿ ತಾಲೂಕಿನ ಸಾಂಬ್ರಾ, ಬಾಳೆಕುಂದ್ರಿ, ಮಾರಿಹಾಳ, ಕಾಕತಿ, ಕಡೋಲಿ, ಉಚಗಾಂವ ಸೇರಿದಂತೆ ವಿವಿಧೆಡೆ ರೈತರು ಬಿತ್ತನೆ ಕಾರ್ಯ ಶುರು ಮಾಡಿದ್ದಾರೆ.

ಹಲವು ದಿನಗಳಿಂದ ಜಮೀನು ಹದಗೊಳಿಸಿ ಮಳೆಗಾಗಿ ಕಾದು ಕುಳಿತಿದ್ದ ರೈತರು ಇದೀಗ ಮುಖ್ಯ ಬೆಳೆಯಾದ ಭತ್ತ, ಸೋಯಾಬೀನ್‌, ತೊಗರಿ ಬೀಜಗಳನ್ನು ಭೂಮಿ ತಾಯಿಯ ಮಡಿಲಿಗೆ ಹಾಕುತ್ತಿದ್ದಾರೆ. ಮಳೆಯಿಂದಾಗಿ ಭೂಮಿ ಬಿತ್ತನೆಗೆ ಅಗತ್ಯವಿದ್ದಷ್ಟು ಜಮೀನು ಹಸಿಯಾಗಿರುವುದರಿಂದ ರೈತರು ಜಮೀನುಗಳತ್ತ ಮುಖ ಮಾಡಿದ್ದು, ಕಳೆದೆರಡು ದಿನಗಳಿಂದ ಭರದಿಂದ ಬಿತ್ತನೆ ಮಾಡುತ್ತಿದ್ದಾರೆ. ಟ್ರ್ಯಾಕ್ಟರ್‌ನವರು ಎಕರೆ ಬಿತ್ತನೆಗೆ 600-700 ರೂ. ಪಡೆದುಕೊಳ್ಳುತ್ತಿದ್ದಾರೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ಒಳ್ಳೆಯ ಮಳೆಯಾದರೆ ಉತ್ತಮ ಇಳುವರಿ ನಿರೀಕ್ಷಿಸಬಹುದು ಎನ್ನುತ್ತಾರೆ ರೈತರು.