ಅಗ್ನಿ-4 ಯಶಸ್ವಿ ಪರೀಕ್ಷೆ

ಬಾಲಸೋರ್‌: ಅಣ್ವಸ್ತ್ರ ಹೊತ್ತೂಯ್ಯುವ ಸಾಮರ್ಥ್ಯ ಹೊಂದಿರುವ ಅಗ್ನಿ-4 ಕ್ಷಿಪಣಿಯ ಪ್ರಾಯೋಗಿಕ ಪರೀಕ್ಷೆ ಯನ್ನು ಯಶಸ್ವಿಯಾಗಿ ನಡೆಸಲಾಗಿದೆ. 4 ಸಾವಿರ ಕಿ.ಮೀ ವರೆಗೆ ಸಾಗುವ ಸಾಮರ್ಥ್ಯವನ್ನು ಇದು ಹೊಂದಿದೆ. ಅಬ್ದುಲ್‌ ಕಲಾಂ ದ್ವೀಪದಲ್ಲಿ ಭಾನುವಾರ ಬೆಳಗ್ಗೆ 8.35 ಕ್ಕೆ ಪ್ರಯೋಗ ನಡೆಸಲಾಗಿದ್ದು, ಭೂಮಿಯಿಂದ ಭೂಮಿಗೆ ಹಾರುವ ಕ್ಷಿಪಣಿ ಇದಾಗಿದೆ. ಎಲ್ಲ ರಾಡಾರ್‌, ಟ್ರ್ಯಾಕಿಂಗ್‌ ವ್ಯವಸ್ಥೆ ಮತ್ತು ರೇಂಜ್‌ ಸ್ಟೇಷನ್‌ಗಳು ಸರಿಯಾಗಿ ಕೆಲಸ ಮಾಡುತ್ತಿದ್ದವು ಮತ್ತು ಕ್ಷಿಪಣಿಯನ್ನು ನಿಖರವಾಗಿ ನಿಯಂತ್ರಿ ಸಲು ಸಾಧ್ಯವಾಗಿದೆ. ಇದು ಅಗ್ನಿ-4 ಕ್ಷಿಪಣಿಯ ಏಳನೇ ಪ್ರಯೋಗವಾಗಿದೆ. ಕಳೆದ ಜನವರಿಯಲ್ಲಿ ಇದೇ ಕ್ಷಿಪಣಿಯನ್ನು ಯಶಸ್ವಿಯಾಗಿ ಪ್ರಯೋಗಿಸಲಾಗಿತ್ತು. ಎರಡು ಹಂತದ ಈ ಕ್ಷಿಪಣಿ 20 ಮೀಟರ್‌ ಉದ್ದ ಹಾಗೂ 12 ಟನ್‌ ಭಾರದ್ದಾಗಿದೆ.