ಏರಿಂಡಿಯಾ ಬೋರ್ಡಿಂಗ್‌ ಪಾಸ್‌ನಲ್ಲಿ ಪ್ರಧಾನಿ ಫೋಟೋ; ವಿವಾದ

ಹೊಸದಿಲ್ಲಿ : ಏರಿಂಡಿಯಾದ ಬೋರ್ಡಿಂಗ್‌ ಪಾಸ್‌ ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮತ್ತು ಗುಜರಾತ್‌ ಮುಖ್ಯಮಂತ್ರಿ ವಿಜಯ್‌ ರೂಪಾಣಿ ಅವರ ಭಾವ ಚಿತ್ರ ಮುದ್ರಿತವಾಗಿರುವುದು ಈಗ ವ್ಯಾಪಕ ಟೀಕೆ, ಖಂಡನೆಗೆ ಗುರಿಯಾಗಿದೆ.

ಕೆಲವು ದಿನಗಳ ಹಿಂದಷ್ಟೇ ಪ್ರಧಾನಿ ನರೇಂದ್ರ ಮೋದಿ ಅವರ ಭಾವಚಿತ್ರ ರೈಲ್ವೇ ಟಿಕೆಟ್‌ನಲ್ಲಿ ಕಂಡು ಬಂದು ವ್ಯಾಪಕ ಟೀಕೆ, ವಿವಾದಕ್ಕೆ ಕಾರಣವಾಗಿತ್ತು.

ಏರಿಂಡಿಯಾದ ಬೋರ್ಡಿಂಗ್‌ ಪಾಸ್‌ನಲ್ಲಿ ಪ್ರಧಾನಿ ಮೋದಿ ಮತ್ತು ಗುಜರಾತ್‌ ಸಿಎಂ ರೂಪಾಣಿ ಅವರ ಫೋಟೋ ಕಂಡುಬಂದಿರುವುದು ಥರ್ಡ್‌ ಪಾರ್ಟಿ ಜಾಹೀರಾತು ಆಗಿದ್ದು ಅದರಿಂದ ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆ ಆಗಿದ್ದಲ್ಲಿ ತಾನದನ್ನು ಪರಿಶೀಲಿಸಿ ಕ್ರಮ ತೆಗೆದುಕೊಳ್ಳುವುದಾಗಿ ಏರಿಂಡಿಯಾ ಹೇಳಿದೆ.