ಚೆನ್ನೈ: ನಟ ಕಮಲ್‌ ಹಾಸನ್‌ (Actor Kamal) ಪ್ರಧಾನ ಭೂಮಿಕೆಯ ಬಹು ನಿರೀಕ್ಷೆ ಹುಟ್ಟಿಸಿದ್ದ ʼಇಂಡಿಯನ್ -2ʼ (Indian 2) ಹೀನಾಯವಾಗಿ ಸೋತಿತು. ಆ ಮೂಲಕ ಶಂಕರ್‌ – ಕಮಲ್‌ ʼಇಂಡಿಯನ್ʼ ಬಳಿಕ ಮತ್ತೆ ಮೋಡಿ ಮಾಡುತ್ತಾರೆ ಎನ್ನುವ ನಿರೀಕ್ಷೆ ಹುಸಿಯಾಯಿತು.
ಇದನ್ನೂ ಓದಿ: Tollywood: ಸಮಂತಾ – ನಾಗ ಚೈತನ್ಯ ಬಗ್ಗೆ ಸಚಿವೆ ಸುರೇಖಾ ಹೇಳಿಕೆಗೆ ಇಡೀ ಟಾಲಿವುಡ್‌ ಆಕ್ರೋಶ
ಥಿಯೇಟರ್‌ನಲ್ಲಿ ಮುಗ್ಗರಿಸಿದ ಬಳಿಕ ಓಟಿಟಿಯಲ್ಲಿ ಬಂದಿದ್ದ ಶಂಕರ್‌ (Director Shankar) ನಿರ್ದೇಶನದ ʼಇಂಡಿಯನ್ -2ʼ ಅಲ್ಲೂ ಕೂಡ ಅಷ್ಟಾಗಿ ಸದ್ದು ಮಾಡಿಲ್ಲ. ಸದ್ಯ ಕಮಲ್‌ ಹಾಸನ್‌ ʼಥಗ್ ಲೈಫ್ʼ (Thug Life) ಸಿನಿಮಾದತ್ತ ಮುಖ ಮಾಡಿದ್ದಾರೆ. ಆದರೆ ಅವರ ʼಇಂಡಿಯನ್-3ʼ (Indian 3) ಸಿನಿಮಾದ ಬಗ್ಗೆ ತೆರೆಮರೆಯಲ್ಲಿ ತಯಾರಿ ನಡೆಯುತ್ತಿದೆ.
ʼಇಂಡಿಯನ್ -2ʼ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ಕಳಪೆ ಪ್ರದರ್ಶನ ನೀಡಿದ ಬಳಿಕ ಚಿತ್ರತಂಡ ʼಇಂಡಿಯನ್-3ʼ ಬಗ್ಗೆ ಎಚ್ಚರಿಕೆ ವಹಿಸಲು ಶುರು ಮಾಡಿದೆ. ʼಇಂಡಿಯನ್ -2ʼ ಸಿನಿಮಾದಿಂದ ಉಂಟಾದ ನಷ್ಟವನ್ನು ಪರಿಗಣಿಸಿಕೊಂಡು ನಿರ್ಮಾಪಕರು ʼಇಂಡಿಯನ್ -3ʼ ಸಿನಿಮಾವನ್ನು ನೇರವಾಗಿ ಓಟಿಟಿಯಲ್ಲೇ ರಿಲೀಸ್ ಮಾಡುವ ಯೋಜನೆಯ ಬಗ್ಗೆ ಆಲೋಚನೆ ಮಾಡಿದ್ದಾರೆ ಎಂದು ʼಡೆಕ್ಕನ್ ಹೆರಾಲ್ಡ್‌ʼ ವರದಿ ಮಾಡಿದೆ.
ಈ ಬಗ್ಗೆ ಚಿತ್ರತಂಡದಿಂದ ಇದುವರೆಗೆ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ನೆಟ್‌ ಫ್ಲಿಕ್ಸ್‌ ನಲ್ಲಿ ʼಇಂಡಿಯನ್ -3 ನೇರವಾಗಿ ಸ್ಟ್ರೀಮಿಂಗ್‌ ಆಗುವ ಸಾಧ್ಯತೆಯಿದೆ ಎನ್ನಲಾಗಿದೆ.
ಕಮಲ್‌ ಹಾಸನ್‌ ಮಣಿರತ್ನಂ ಅವರ ʼಥಗ್ ಲೈಫ್ʼ ಮತ್ತು KH 237 ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.
ಇನ್ನೊಂದೆಡೆ ಶಂಕರ್‌ ರಾಮ್‌ ಚರಣ್‌ ಅವರ ʼಗೇಮ್‌ ಚೇಂಜರ್‌ʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.
