Ulakanayakan ಎಂದು ಕರೆಯದಂತೆ ಅಭಿಮಾನಿಗಳಿಗೆ ಕಮಲ್‌ ಹಾಸನ್‌ ಮನವಿ

ನವದೆಹಲಿ: “ಉಳಗನಾಯಗನ್‌’ (ವಿಶ್ವನಾಯಕ) ಸೇರಿದಂತೆ ತಮ್ಮನ್ನು ಸಂಬೋಧಿಸುವ ಎಲ್ಲ ಬಿರುದುಗಳನ್ನು ಬಹುಭಾಷಾ ನಟ ಕಮಲ್‌ ಹಾಸನ್‌ ನಿರಾಕರಿಸಿದ್ದಾರೆ.

ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು “ನನಗೆ ಅಭಿಮಾನಿಗಳು ಹಲವು ಬಿರುದುಗಳನ್ನು ನೀಡಿರುವುದು ಸಂತೋಷವಿದೆ. ಎಲ್ಲರ ಪ್ರೀತಿಗೆ ಆಭಾರಿ. ಎಲ್ಲ ಪ್ರೀತಿ, ಗೌರವಗಳ ಜತೆಯಲ್ಲೇ ನನಗೆ ನೀಡಿರುವ ಬಿರುದುಗಳಿಂದ ನನ್ನನ್ನು ಕರೆಯಲು ನಿರಾಕರಿಸುತ್ತಿದ್ದೇನೆ.

ಅಭಿಮಾನಿಗಳು, ಮಾಧ್ಯಮದವರು, ಚಿತ್ರರಂಗದ ಮಿತ್ರರು ಸೇರಿದಂತೆ ಎಲ್ಲರೂ ನನ್ನನ್ನು ಕೇವಲ ಕಮಲ್‌ ಹಾಸನ್‌ ಅಥವಾ ಕಮಲ್‌ ಎಂದು ಕರೆಯಬೇಕೆಂದು ಮನವಿ ಮಾಡುತ್ತೇನೆ.

ಕಲೆಯನ್ನು ಪ್ರೀತಿಸುವ ಎಲ್ಲರಲ್ಲೂ ಒಬ್ಬನಾಗಿ ಎಂದಿಗೂ ಉಳಿಯಲು ಈ ನಿರ್ಧಾರ ತೆಗೆದುಕೊಂಡಿದ್ದೇನೆ’ ಎಂದು ಬರೆದುಕೊಂಡಿದ್ದಾರೆ.