Bagheera OTT Release: ಭರ್ಜರಿ ಸಕ್ಸಸ್‌ ಕಂಡ ʼಬಘೀರʼ ಓಟಿಟಿ ಎಂಟ್ರಿಗೆ ಡೇಟ್‌ ಫಿಕ್ಸ್

ಬೆಂಗಳೂರು: ಶ್ರೀಮುರಳಿ (Sri Murali) ಖಾಕಿ ಅವತಾರದಲ್ಲಿ ಮಿಂಚಿರುವ ʼಬಘೀರʼ(Bagheera) ಸ್ಯಾಂಡಲ್‌ವುಡ್‌ ಮಂದಿಗೆ ಭರಪೂರ ಮನರಂಜನೆ ನೀಡಿ ಗೆದ್ದಿದೆ. ಥಿಯೇಟರ್‌ನಲ್ಲಿ ʼಬಘೀರʼ ಭರ್ಜರಿ ಸಕ್ಸಸ್‌ ಕಂಡು, ಬಹುತೇಕ ಕಡೆ ಹೌಸ್‌ಫುಲ್‌ ಪ್ರದರ್ಶನ ಕಂಡಿತು.

ಪ್ರಶಾಂತ್‌ ನೀಲ್‌ ಕಥೆಯಲ್ಲಿ, ಡಾ. ಸೂರಿ ನಿರ್ದೇಶನದಲ್ಲಿ ಹೊಂಬಾಳೆ ಫಿಲ್ಮ್ಸ್‌ ನಿರ್ಮಾಣದಲ್ಲಿ ಬಂದ ಕಾಪ್‌ ಥ್ರಿಲ್ಲರ್‌ ʼಬಘೀರʼನ ಅಬ್ಬರ ಓಟಿಟಿಯಲ್ಲಿ ಬರಲು ಸಿದ್ದವಾಗಿದೆ.

ಇದನ್ನೂ ಓದಿ: Ram Charan: ಅಯ್ಯಪ್ಪನ ಮಾಲೆ ಧರಿಸಿ ದರ್ಗಾಕ್ಕೆ ಭೇಟಿ ಕೊಟ್ಟ ರಾಮ್ ಚರಣ್; ಭಾರೀ ಟೀಕೆ

ಅ.31 ರಂದು ರಿಲೀಸ್‌ ಆದ ʼಬಘೀರʼ ಕರ್ನಾಟಕ ಮಾತ್ರವಲ್ಲದೆ ಆಂಧ್ರ, ತಮಿಳುನಾಡಿನ ಬಾಕ್ಸಾಫೀಸ್‌ನಲ್ಲಿ ಸಖತ್ ಸೌಂಡ್‌ ಮಾಡಿತ್ತು.‌ ಶ್ರೀಮುರಳಿ ಡಬಲ್‌ ಶೇಡ್‌ ಕ್ಯಾರೆಕ್ಟರ್‌ನಲ್ಲಿ ಕಾಣಿಸಿಕೊಂಡಿದ್ದರು.

ಥಿಯೇಟರ್‌ನಲ್ಲಿ ಸಖತ್‌ ರೆಸ್ಪಾನ್ಸ್‌ ಪಡೆದುಕೊಂಡ ಬಳಿಕ ʼಬಘೀರʼ ಓಟಿಟಿಗೆ ಬರಲು ಡೇಟ್‌ ಫಿಕ್ಸ್‌ ಆಗಿದೆ.

ಊರಲ್ಲಿ ಒಂದು ಹೊಸ ವೀರ ಅವನೇ ʼಬಘೀರʼ ಎಂದು ʼನೆಟ್‌ಫ್ಲಿಕ್ಸ್‌ʼ ಸಿನಿಮಾದ ಓಟಿಟಿ ದಿನಾಂಕವನ್ನು ರಿವೀಲ್‌ ಮಾಡಿದೆ.

ಗುರುವಾರ (ನ.21 ರಂದು) ಅಂದರೆ ನಾಳೆಯೇ ನೆಟ್‌ ಫ್ಲಿಕ್ಸ್‌ನಲ್ಲಿ ʼಬಘೀರʼ ಸ್ಟ್ರೀಮಿಂಗ್‌ ಆಗಲಿದೆ. ಕನ್ನಡ, ತಮಿಳು, ತೆಲುಗು ಹಾಗೂ ಮಲಯಾಳಂ ಭಾಷೆಯಲ್ಲಿ ಸಿನಿಮಾ ಸ್ಟ್ರೀಮ್‌ ಆಗಲಿದೆ.

ʼಬಘೀರʼದಲ್ಲಿ ರುಕ್ಮಿಣಿ ವಸಂತ್, ಸುಧಾರಾಣಿ, ಪ್ರಮೋದ ಶೆಟ್ಟಿ, ಗರುಡ ರಾಮ್‌, ಪ್ರಕಾಶ್‌ ರೈ ಸೇರಿದಂತೆ ಅನೇಕರು ನಟಿಸಿದ್ದಾರೆ.