ಹೃದಯಾಘಾತದ ತೀವ್ರತೆ ಕಡಿಮೆ ಮಾಡಿದ್ದೇ ಜಿಮ್‌: ನಟಿ ಸುಷ್ಮಿತಾ ಸೇನ್‌

ಬಾಲಿವುಡ್‌ ನಟಿ ಸುಷ್ಮಿತಾ ಸೇನ್‌ ಹೃದಯಾಘಾತಕ್ಕೆ ಒಳಗಾಗಿದ್ದ ವಿಚಾರದ ಕುರಿತು ಜಾಲತಾಣಗಳಲ್ಲಿ ತೀವ್ರ ಚರ್ಚೆಗಳಾಗುತ್ತಿರುವ ನಡುವೆಯೇ, ನನ್ನ ಆರೋಗ್ಯಯುತ ಜೀವನ ಶೈಲಿಯಿಂದಲೇ ಇಂಥ ದೊಡ್ಡ ಮಟ್ಟದ ಹೃದಯಾಘಾತದ ಬಳಿಕವೂ ನಾನು ಬದುಕುಳಿಯಲು ಸಾಧ್ಯವಾಗಿದೆ ಎಂದು ನಟಿ ಹೇಳಿಕೊಂಡಿದ್ದಾರೆ.

ನಿತ್ಯ ವ್ಯಾಯಾಮ, ಜಿಮ್‌ ಎಂದು ಫಿಟ್‌ ಆಗಿದ್ದರೂ, ಆಕೆಗೆ ಹೃದಯಾಘಾತ ಸಂಭವಿಸಿದೆ. ಹಾಗಾಗಿ ಅವುಗಳಿಂದ ಪ್ರಯೋಜನವಿಲ್ಲ ಎಂದು ಹಲವರು ಭಾವಿಸಿದ್ದರು. ಈ ಹಿನ್ನೆಲೆ ನಟಿ ಹೃದಯಾಘಾತದ ತೀವ್ರತೆ ಕಡಿಮೆ ಮಾಡಿದ್ದೇ ಜಿಮ್‌ ಮತ್ತು ಜೀವನಶೈಲಿ ಎಂದಿದ್ದಾರೆ.