ಅಮೂಲ್ಯ ವಿವಾಹ ಸಂಭ್ರಮ: ಆದಿಚುಂಚನಗಿರಿಗೆ ಹರಿದು ಬಂದ ಅಭಿಮಾನಿಗಳು

ನಾಗಮಂಗಲ: ಪ್ರಸಿದ್ಧ ಧಾರ್ಮಿಕ ಕ್ಷೇತ್ರ ಆದಿಚುಂಚನಗಿರಿಯಲ್ಲಿ ನಟಿ ಅಮೂಲ್ಯ ಅವರು  ಜಗದೀಶ್‌ ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. 

ಕಾಲಭೈರವೇಶ್ವರ ಸನ್ನಿಧಿಯ ಪ್ರಾಂಗಣದಲ್ಲಿ ಕುಟುಂಬ ವರ್ಗ ಹಾಗೂ ಕೆಲವು ಆತ್ಮೀಯರು ಸೇರಿ ದಂತೆ ಗಣ್ಯರ ಉಪ ಸ್ಥಿತಿಯಲ್ಲಿ ಅಮೂಲ್ಯ ಹಾಗೂ ಬಿಬಿಎಂಪಿ ಮಾಜಿ ಸದಸ್ಯ ರಾಮಚಂದ್ರಪ್ಪ ಪುತ್ರ ಜಗದೀಶ್‌ ಜೊತೆ ಹೊಸಬಾಳಿಗೆ ಕಾಲಿಟ್ಟಿದ್ದಾರೆ. ಶ್ರೀಕ್ಷೇತ್ರದ ಪೀಠಾಧ್ಯಕ್ಷ ನಿರ್ಮಲಾನಂದನಾಥ ಸ್ವಾಮೀಜಿ ಸೇರಿದಂತೆ ಗಣ್ಯರು, ಅಮೂಲ್ಯ ಮದುವೆಗೆ ಸಾಕ್ಷಿಯಾಗಿದ್ದಾರೆ.

ಆಪ್ತವಲಯದವರಿಗೆ ಮಾತ್ರ ವಿವಾಹ ಸಮಾರಂಭದಲ್ಲಿ ಭಾಗಿಯಾಗಲು ಅವಕಾವವಿದೆ. ಆದರೆ ಸಾವಿರಾರು ಅಭಿಮಾನಿಗಳು ಮಠದ ಹೊರಗೆ ಜಮಾಯಿಸಿದ್ದು ಸಂಭ್ರಮದ ಕ್ಷಣಗಳನ್ನು ಕಣ್‌ತುಂಬಿಕೊಳ್ಳುತ್ತಿದ್ದಾರೆ. 

ಶುಕ್ರವಾರ ಬೆಳಗ್ಗಿನಿಂದಲೂ ಒಕ್ಕಲಿಗ ಸಂಪ್ರದಾಯದಂತೆ ವಿವಾಹದ ಶಾಸ್ತ್ರಗಳು ನಡೆದು,ಶುಭ ಅಭಿಜಿನ್‌ ಲಗ್ನದಲ್ಲಿ ಜಗದೀಶ್‌ ಅವರು ಅಮೂಲ್ಯಗೆ ತಾಳಿ ಕಟ್ಟಿ ಸಪ್ತಪದಿ ತುಳಿದರು. 

ಪುಷ್ಪಾಲಂಕೃತ ಆಕರ್ಷಕ ಪಲ್ಲಕ್ಕಿಯಲ್ಲಿ ಅಮೂಲ್ಯರನ್ನು ವಿವಾಹ ಮಂಟಪಕ್ಕೆ ಕರೆತರಲಾಯಿತು.ಈ ವೇಳೆ ಅಭಿಮಾನಿಗಳು ಜೈಕಾರ ಹಾಕಿದರು. 

ನಟ ಗಣೇಶ್‌ ನಿವಾಸದಲ್ಲಿ ಬುಧ ವಾರ ನಡೆದ ಮೆಹಂದಿ ಕಾರ್ಯಕ್ರಮದ ನಂತರ
ಆದಿಚುಂಛನಗಿರಿಗೆ ಆಗಮಿ ಸಿದ  ವಧು-ವರರನ್ನು ಉಭಯ ಕುಟುಂಬಸ್ಥರು ಸಂಭ್ರಮದಿಂದ ಸ್ವಾಗತಿಸಿಕೊಂಡಿದ್ದು, ಗುರುವಾರ ಸಂಜೆ ವಿವಿಧ ಶಾಸ್ತ್ರೋಕ್ತ ಕಾರ್ಯ ಕ್ರಮಗಳ ತರುವಾಯ ಶುಕ್ರವಾರ ಬೆಳಗ್ಗೆ ನವ ಜೋಡಿಗಳು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.