ಹಿನ್ನೆಲೆ ಸಂಗೀತದಲ್ಲಿ ಹೊಸಬರ ‘ಸಾಮರ್ಥ್ಯ’

“ಸಾಮರ್ಥ್ಯ’ ಎಂಬ ಚಿತ್ರ ಸೆಟ್ಟೇರಿರುವ ವಿಚಾರ ನಿಮಗೆ ಗೊತ್ತಿರಬಹುದು. ಈಗ ಆ ಚಿತ್ರ ಹಿನ್ನೆಲೆ ಸಂಗೀತದಲ್ಲಿ ನಿರತವಾಗಿದೆ. ಔಟ್‌ ಆ್ಯಂಡ್‌ ಔಟ್‌ ಲವ್‌ ಕಂ ಆ್ಯಕ್ಷನ್‌-ಕ್ರೈಂ-ಥ್ರಿಲ್ಲರ್‌ ಕಥಾಹಂದರ ಸಿನಿಮಾ.

ಹಿರಿಯ ನಿರ್ದೇಶಕ ಹೆಚ್‌. ವಾಸು ನಿರ್ದೇಶನದ 24ನೇ ಸಿನಿಮಾ ಇದಾಗಿದ್ದು, “ಸಾಮಥ್ಯ’ಕ್ಕೆ ಹೆಚ್‌. ವಾಸು ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. ಚಿತ್ರದಲ್ಲಿ ಬಾಲಾಜಿ ಶರ್ಮ, ಗಗನಾ, ಶೋಭರಾಜ್‌, ಅವಿನಾಶ್‌, ಪೆಟ್ರೋಲ್‌ ಪ್ರಸನ್ನ, ಸ್ವಾತಿ, ಅಭಿಷೇಕ್‌, ದಶರಥ ಅಭಿ, ರಾಮಯ್ಯ ಸಿಂಧನೂರು, ಮನಮೋಹನ ರಾಯ್‌, ಮಾಸ್ಟರ್‌ ಆರ್‌. ದರ್ಶನ್‌, ಕುಮಾರಿ ತನುಶ್ರೀ, ಕುಮಾರಿ ಸಿರಿ, ಕಾಮಿಡಿ ಕಿಲಾಡಿಗಳು ಖ್ಯಾತಿಯ ಮಡೆನೂರು ಮನು, ಸಂತು, ರವೀಂದ್ರನಾಥ್‌, ಶಶಿಕುಮಾರ್‌ ಮೊದಲಾದವರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಇದನ್ನೂ ಓದಿ:‘ಖಡಕ್‌ ಹಳ್ಳಿ ಹುಡುಗ’ರ ಮಹತ್ಕಾರ್ಯ!

ಈಗಾಗಲೇ “ಸಾಮರ್ಥ್ಯ’ ಚಿತ್ರದ ಬಹುತೇಕ ಚಿತ್ರೀಕರಣ ಪೂರ್ಣಗೊಳಿಸಿರುವ ಚಿತ್ರತಂಡ, ಸದ್ಯ ಪೋಸ್ಟ್‌ ಪ್ರೊಡಕ್ಷನ್ಸ್‌ ಕೆಲಸಗಳಲ್ಲಿ ನಿರತವಾಗಿದೆ. ಬೆಂಗಳೂರು, ಸಕಲೇಶಪುರ ಮುಂತಾದ ಕಡೆಗಳಲ್ಲಿ ಚಿತ್ರದ ಚಿತ್ರೀಕರಣ ನಡೆಸಡಲಾಗಿದೆ. ಮೊದಲ ಬಾರಿಗೆ “ಕಾರ್ತಿಕ್‌ ಮೂವೀಸ್‌’ ಬ್ಯಾನರ್‌ನಲ್ಲಿ ರಾಯಚೂರು ಮೂಲದ ಕಾರ್ತಿಕ್‌ ರಾಜಲಬಂಡಿ “ಸಾಮರ್ಥ್ಯ’ ಚಿತ್ರಕ್ಕೆ ಬಂಡವಾಳ ಹೂಡಿ ನಿರ್ಮಿಸುತ್ತಿದ್ದಾರೆ.