ಅಪಘಾತ; ಭೀಮಾ ತೀರದ ಹಂತಕ ಭಾಗಪ್ಪ ಪತ್ನಿ ಸಾವು

ವಿಜಯಪುರ: ಇಂಡಿ ತಾಲೂಕಿನ ಕಪ ನಿಂಬರಗಿ ಬಳಿ ಸಂಭವಿಸಿದ ಭೀಕರ ಅಪಘಾತ ದಲ್ಲಿ ಭೀಮಾ ತೀರದ ಹಂತಕ ಭಾಗಪ್ಪ ಹರಿಜನ ಪತ್ನಿ, ಬೆಳಗಾವಿ ಜಿಲ್ಲೆ ಚಿಕ್ಕೋಡಿ ನ್ಯಾಯಾಲಯದ ಎಪಿಪಿ ಶೋಭಾ ಭಜಂತ್ರಿ (45) ಮೃತಪಟ್ಟಿದ್ದಾರೆ. ಮಂಗಳವಾರ ಮಧ್ಯಾಹ್ನ ರಾಷ್ಟ್ರೀಯ ಹೆದ್ದಾರಿ 13ರಲ್ಲಿ ಕಪ ನಿಂಬರಗಿ ಬಳಿ ಮಹೀಂದ್ರಾ ಎಕ್ಸ್‌ಯೂ ಹಾಗೂ ಗೂಡ್ಸ್‌ ವಾಹನದ ಮಧ್ಯೆ ಭೀಕರ ಅಪಘಾತ ಸಂಭವಿಸಿದ್ದು ಎಕ್ಸ್‌ಯೂ ವಾಹನದಲ್ಲಿದ್ದ ಭಾಗಪ್ಪ ಹರಿಜನ ಪತ್ನಿ ಶೋಭಾ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.

ಘಟನೆಯಲ್ಲಿ ಎಕ್ಸ್‌ಯೂ ವಾಹನ ಹಾಗೂ ಗೂಡ್ಸ್‌ ವಾಹನ ಚಾಲಕರಿಗೆ ಗಾಯಗಳಾಗಿದ್ದು ಇಬ್ಬರನ್ನೂ ಆಸ್ಪತ್ರೆಗೆ ರವಾನಿಸಲಾಗಿದೆ. ಶವವನ್ನು ಮರಣೋತ್ತರ ಪರೀಕ್ಷೆಗಾಗಿ ಹೊರ್ತಿ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಗಿದೆ. ಸುದ್ದಿ ತಿಳಿಯುತ್ತಿದ್ದಂತೆ ಭಾಗಪ್ಪ ಹರಿಜನ ಹಾಗೂ ಆತನ ಸಹಚರರು ಅಸ್ಪತ್ರೆಗೆ ಧಾವಿಸಿದ್ದಾರೆ.