Vijayapura: ಐತಿಹಾಸಿಕ ಕಂದಕದಲ್ಲಿ ಬಿದ್ದು ಯುವಕ ಆತ್ಮಹತ್ಯೆ; ಪರಾರಿಯಾದ ಜತೆಗಿದ್ದ ಯುವತಿ

ವಿಜಯಪುರ: ನಗರದ ಐತಿಹಾಸಿಕ ಗಗನಮಹಲ್ ಆಳವಾದ ಕಂದಕದಲ್ಲಿ ಬಿದ್ದು ಸುಮಾರು 25 ವರ್ಷದ ಅಪರಿಚಿತ ಯುವಕ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಗುರುವಾರ (ಆ.31) ನಡೆದಿದೆ.

ಬೆಳಿಗ್ಗೆ ಐತಿಹಾಸಿಕ ಗಗನ ಮಹಲ್ ಕಂದಕದ ಬಳಿ ಬಂದ ಯುವಕ ಅಂಗಿ ಬಿಚ್ಚಿ ನೋಡ ನೋಡುತ್ತಿದ್ದಂತೆ ಕಂದಕಕ್ಕೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

ಸುದ್ದಿ ತಿಳಿದು ಸ್ಥಳಕ್ಕೆ ಆಗಮಿಸಿದ ಗೋಲಗುಂಬಜ ಠಾಣೆ ಪೊಲೀಸರು, ಅಗ್ನಿಶಾಮಕ ಸೇವಾ ಸಿಬ್ಬಂದಿ ನೆರವಿನೊಂದಿಗೆ ಸತತ ಮೂರು ಗಂಟೆ ಶೋಧದ ಬಳಿಕ ಶವವನ್ನು ಹೊರ ತೆಗೆದಿದ್ದಾರೆ.

ಸ್ಥಳೀಯರ ಪ್ರಕಾರ ಯುವಕ ಹಾಗೂ ಓರ್ವ ಮಹಿಳೆ ಗಗನಮಹಲ್ ಕಂದಕದ ಬಳಿಗೆ ಬಂದಿದ್ದರು. ಇಬ್ಬರೂ ಕಂದಕಕ್ಕೆ ಹಾರಲು ಯೋಜಿಸಿದ್ದು, ಆಳ ನೀರಿರುವ ಕಂದಕಕ್ಕೆ ಯುವಕ ಹಾರುತ್ತಲೇ ಮಹಿಳೆ ಪರಾರಿಯಾಗಿದ್ದಾಳೆ.

ಆತ್ಮಹತ್ಯೆ ಮಾಡಿಕೊಂಡ ಯುವಕನ ಹೆಸರು, ವಿಳಾಸ ಪತ್ತೆಯಾಗಿಲ್ಲ. ಪೊಲೀಸರು ತನಿಖೆ ಆರಂಭಿಸಿದ್ದಾರೆ.