Kallugudde: ಮೀನು ಮಾರಾಟ ಸ್ಟಾಲ್‌ಗೆ ವಾಹನ ಢಿಕ್ಕಿ

ಸುಬ್ರಹ್ಮಣ್ಯ: ಕಡಬ ತಾಲೂಕಿನ ನೂಜಿಬಾಳ್ತಿಲ ಗ್ರಾ.ಪಂ.ನ ಕಲ್ಲುಗುಡ್ಡೆಯಲ್ಲಿನ ಮೀನು ಮಾರಾಟದ ಸ್ಟಾಲ್‌ಗೆ ರಾತ್ರಿ ವೇಳೆ ಅಪರಿಚಿತ ವಾಹನ ಢಿಕ್ಕಿ ಹೊಡೆದು ಸ್ಟಾಲ್‌ನ ಕಂಬಕ್ಕೆ ಹಾನಿಯುಂಟಾದ ಘಟನೆ  ನಡೆದಿದೆ.

ವಾಹನ ಗುದ್ದಿದ್ದರಿಂದ ಮೀನು ಮಾರಾಟದ ಸ್ಟಾಲ್‌ಗೆ ಹಾಕಲಾಗಿದ್ದ ಸಿಮೆಂಟ್‌ ಶೀಟು ಮತ್ತು ಸಿಮೆಂಟ್‌ ಕಂಬ ತುಂಡಾಗಿ ಹೋಗಿದೆ. ಈ ಬಗ್ಗೆ ಮೀನು ಮಾರಾಟ ಸ್ಟಾಲ್‌ನ ಸತೀಶ್‌ ರೈ ಅವರು ನೂಜಿಬಾಳ್ತಿಲ ಗ್ರಾಮ ಪಂಚಾಯತ್‌ಗೆ ಮೌಖಿಕ ದೂರು ನೀಡಿದ್ದು, ಗ್ರಾಮ ಪಂಚಾಯತ್‌ ಯಾವುದೇ ಕ್ರಮ ಕೈಗೊಂಡಿಲ್ಲ ಎಂದು ಆರೋಪಿಸಲಾಗಿದೆ.

ಒಂದು ವೇಳೆ ಕಂಬ ಮುರಿದು ಬಿದ್ದು ಏನಾದರೂ ಅಪಾಯ ಸಂಭವಿಸಿದರೆ ಇದಕ್ಕೆ ಪಂಚಾಯತ್‌ ಹೊಣೆಯಾಗುತ್ತದೆ ಎಂದು ಕೂಡಲೇ ಸರಿಪಡಿಸುವಂತೆ ಸತೀಶ್‌ ರೈ ಆಗ್ರಹಿಸಿದ್ದಾರೆ.